قرآن فہمی کے لیے ترجمہ قرآن اساس کی حیثیت رکھتا ہے ۔ آج دنیا کی کم و بیش 103 زبانوں میں قرآن کریم کے مکمل تراجم شائع ہو چکے ہیں۔جن میں سے ایک اہم زبان اردو بھی ہے ۔ اردو زبان میں اولین ترجمہ کرنے والے شاہ ولی اللہ محدث دہلوی ﷫ کے دو فرزند شاہ رفیع الدین ﷫اور شاہ عبد القادر﷫ ہیں ۔ اب تو اردو زبان میں بیسيوں تراجم دستیاب ہیں اور یہ سلسلہ تاحال جاری و ساری ہے۔ اردو تراجم قرآن میں شیخ الحدیث و التفسیر فضیلۃ الشیخ حافظ عبد السلام بن محمد بھٹوی ﷫ کا ترجمۃ القرآن اہم تراجم میں سے ایک ہے یہ ترجمہ قرآن مجید کے اردو تراجم میں ایک نہایت عمدہ اور قابل تعریف اضافہ ہے۔ جس میں انہوں نے قرآن مجید کے دل نشیں اسلوب کا لحاظ رکھتے ہوئے لفظ بہ لفظ ترجمہ کرنے اور اسے اردو محاورہ کے مطابق بنانے کی بھرپور کوشش کی ہے اور ترجمہ کرتے وقت عربی الفاظ کے قریب تر اور موزوں ترین الفاظ کا انتخاب کیا ہے۔ ترجمہ میں فصاحت و بلاغت کے اصولوں اور عربی زبان کے قواعد کا بھی لحاظ رکھا ہے۔ اس لیے یہ ترجمہ لفظی ہونے کے ساتھ ساتھ حسنِ بیان،عبارت کی روانی اور سلاست کا آئینہ دار بھی ہے ۔ اردو زبان میں یہ نادر الوجوہ اور شاہکار ترجمہ ہے۔ جس کے الفاظ کے انتحاب میں مترجم کے 40 سال سے زائد عرصے پر محیط دینی علوم و فنون کے تدریسی تجربے اور نصوص کے گہرے اور وسیع مطالعے کی جھلک اور قدیم و جدید تراجم کا واضح عکس نظر آتا ہے۔ ماشاء اللہ اس ترجمہ کو بڑا قبول عام حاصل ہوا چند سالوں میں بیسیوں ہزار نسخے اندرون و بیرون ملک قارئین تک پہنچ چکے ہیں۔ اور علماء و طلباء میں حافظ عبد السلام بھٹوی ﷫ کی اس قابل قدر کاوش کو بہت پذیرائی ملی ہے۔ بالخصوص علمی حلقوں میں بھی اسے بہت سراہا گیا ہے۔ کتاب و سنت سائٹ پر مکمل ترجمہ القرآن دس سال قبل پبلش کیا گیا تھا۔ اب قارئین کی آسانی کی خاطر اسے الگ الگ پاروں کی صورت میں پبلش کیا جا رہا ہے۔ (م۔ا)

پردہ مردوں اور عورتوں کے دلوں کو فحاشی اور اس کی ناپاکی سے بچانے کا سبب ہے ، اس کے برعکس بےپردگی، حسن و جمال کو ظاہر کرنا اور زینت کو نمایاں کرنا نجاست ، خباثت اور فساد کا راستہ ہے ، بلکہ یہ فحاشی، بدکاری اور معاشرتی بگاڑ کا دروازہ ہے۔اور بےپردگی بہت بڑا فتنہ اور نہایت قبیح گناہ کی صورت ہے اس سے بچنا اور دور رہنا واجب ہے حکام پر لازم ہے کہ وہ اس کو روکیں اور اس کا خاتمہ کریں۔ زیر نظر کتابچہ ’’فرد اور معاشرے پر بےپردگی کے خطرات ‘‘ فضیلۃ الشیخ عبد العزیز بن عبد اللہ بن باز رحمہ اللہ کے رسالہ خطر التبرج و السفور على الفرد و المجتمع كا سلیس اردو ترجمہ ہے جس میں نمائش اور بےپردگی کے فرد اور معاشرے پر برے اثرات کے بارے گفتگو کی گئی ہے۔ محترم جناب محمد صدیق لون السلفی حفظہ اللہ نے اسے اردو قالب میں ڈھالا ہے تاکہ عام قارئین بھی اس سے مستفید ہو سکیں۔ (م۔ا)

فطرانہ وہ زکاۃ یا صدقہ ہے جو رمضان المبارک کے روزے ختم ہونے پر واجب ہوتا ہے۔ سيدنا ابن عباس رضی اللہ عنہما بیان کرتے ہیں کہ رسول اکرم ﷺ نے روزہ دار کے روزے کو لغو اور بے ہودگی سے پاک صاف کرنے اور مساکین کی خوراک کا بندوبست کرنے کے لیے فطرانہ فرض کیا ہے، لہذا جس نے فطرانہ نماز عید سے قبل ادا کر دیا وہ قبول ہو گا ، لیکن اگر کوئی شخص نماز عید کے بعد ادا کرتا ہے تو اس کے لیے یہ ایک عام صدقہ ہو گا۔ زیر نظر کتابچہ ’’صدقہ فطر کے احکام و مسائل‘‘ محترم محمد صدیق لون السلفی کی کاوش ہے انہوں نے اس کتابچہ میں صدقۃ الفطر کے احکام و مسائل کو قرآن و سنت کی روشنی میں آسان فہم انداز میں تفیصلاً بیان کیا ہے۔ (م۔ا)

رمضان المبارک کے روزے رکھنا اسلام کے بنیادی ارکان میں سے ہے نبی کریم ﷺ نے ماہِ رمضان اور اس میں کی جانے والی عبادات ( روزہ ،قیام ، تلاوت قرآن ،صدقہ خیرات ،اعتکاف ،عبادت لیلۃ القدر وغیرہ )کی بڑی فضیلت بیان کی ہے ۔روزہ کے احکام و مسائل سے آگاہی ہر روزہ دار کے لیے ضروری ہے ۔لیکن افسوس روزہ رکھنے والے بیشتر لوگ ان احکام و مسائل سے لا علم ہوتے ہیں،بلکہ بہت سے افراد تو ایسے بھی ہیں جو بدعات و خرافات کی آمیزش سے یہ عظیم عمل برباد کر لینے تک پہنچ جاتے ہیں ۔ کتبِ احادیث میں ائمہ محدثین نے کتاب الصیام کے نام سے باقاعدہ عنوان قائم کیے ۔ اور کئی علماء اور اہل علم نے رمضان المبارک کے احکام و مسائل و فضائل کے حوالے سے کتب تصنیف کی ہیں۔ محترم جناب عبد السلام بن صلاح الدین مدنی حفظہ اللہ کی زیر نظر کتاب ’’مسائل رمضان ‘‘ بھی اسی سلسلہ کی ایک کڑی ہے جس میں انہوں نے عام فہم انداز میں قرآن و سنت کی روشنی میں استقبال رمضان ، رمضان المبارک کے جملہ احکام و مسائل کے علاوہ روزہ سے متعلق جدید فقہی و طبی مسائل کو بھی بیان کیا ہے۔ (م۔ا)

اللہ تعالیٰ کی بے شمار نعمتوں میں سے ایک بہت بڑی نعمت اولاد بھی ہے۔ اگر اولاد کی صحیح تربیت کی جائے تو وہ آنکھوں کا نور اور دل کا سرور بن جاتی ہے ۔ لیکن اگر اولاد بگڑ جائے اور اس کی صحیح تربیت نہ کی جائے تو وہی اولاد آزمائش بن جاتی ہے ۔ دین و شریعت میں اولاد کی اچھی تربیت ایک فریضہ کی حیثیت رکھتی ہے ۔کیونکہ جس طرح والدین کے اولاد پر حقوق ہیں اسی طرح اولاد کے والدین پر حقوق ہیں اور جیسے اللہ تعالیٰ نے ہمیں والدین کے ساتھ نیکی کرنے کا حکم دیا ہے ایسے ہی اس نے ہمیں اولاد کے ساتھ احسان کرنے کا بھی حکم دیا ہے ۔ان کے ساتھ احسان اور ان کی بہترین تربیت کرنا دراصل امانت صحیح طریقے سے ادا کرنا ہے ۔ کتاب و سنت کے دلائل میں اس بات کا واضح حکم ہے کہ اولاد کے ساتھ احسان کیا جائے ۔ زیر نظر کتاب ’’تربیتی نصاب‘‘ محترم جناب ابو حمزہ مقصود احمد مدنی حفظہ اللہ(فاضل مدینہ یونیورسٹی) کی ایک عمدہ کاوش ہے۔ یہ کتاب فہم انداز میں 200 سوالات و جوابات پر مشتمل ایک تربیتی نصاب کے طور پر تیار کی گئی ہے اور اس میں معرفتِ اسلام و ایمان،سیرت النبیﷺ اور مختلف دعاؤں کو سوال و جواب کی صورت میں پیش کیا ہے ۔نیز اردو عربی نظمیں اور تقاریر بھی اس میں جمع کر دی ہیں ۔اللہ تعالیٰ مرتب کی اس کاوش کو قبول فرمائے اور ان کے میزان حسنات میں اضافہ کا ذریعہ بنائے۔آمین(م۔ا)

رمضان المبارک کے روزے رکھنا اسلام کے بنیادی ارکان میں سے ہے نبی کریم ﷺ نے ماہ رمضان اور اس میں کی جانے والی عبادات کی بڑی فضیلت بیان کی ہے ۔روزہ کے احکام و مسائل سے آگاہی ہر روزہ دار کے لیے ضروری ہے ۔لیکن افسوس روزہ رکھنے والے بیشتر لوگ ان احکام و مسائل سے لا علم ہوتے ہیں،بلکہ بہت سے افراد تو ایسے بھی ہیں جو بدعات و خرافات کی آمیزش سے یہ عظیم عمل برباد کر لینے تک پہنچ جاتے ہیں ۔ کتبِ احادیث میں ائمہ محدثین نے کتاب الصیام کے نام سے باقاعدہ عنوان قائم کیے ہیں اور کئی اہل علم نے رمضان المبارک کے احکام و مسائل و فضائل کے حوالے سے کتب تصنیف کی ہیں ۔  زیر نظر کتاب ’’ روزہ اور اسکے آداب ‘‘ محترم جناب محمد صدیق لون السلفی صاحب کی تصنیف ہے ۔انہوں نے اس کتاب میں شریعت اسلامیہ کے دلائل کو جمع کیا ہے اور آئے روز درپیش آنے والے جدید مسائل کے بارے میں فتاویٰ جات نقل کر کے رواۃ حدیث اور علماء کرام کا مختصر تعارف پیش کرتے ہوئے وضاحت طلب مسائل کو عام فہم انداز میں پیش کرنے کی حتی ٰالوسع کوشش کی ہے ۔ (م۔ا)

قیامت کے دن نجات اور کامیابی کی بنیاد اللہ کی توحید ہے اور جو قیامت کے دن توحید کے بغیر آئے گا اس کے لیے کبھی بھی نجات کی کوئی امید نہیں ہو گی اور نہ ہی رحمت و مغفرت حاصل کرنے کا کوئی راستہ ہو گا۔اور نجات کے سب سے بڑے اسباب میں سے ایک نہیں بلکہ حقیقت میں نجات صرف اسی پر منحصر ہے کہ اللہ تعالیٰ کی توحید اور دین کو خالص اسی کے لیے کرنا ہے۔ زیر نظر کتابچہ ’’نجات کے دس اسباب‘‘ فضیلۃ الشیخ عبد الرزاق بن عبد المحسن البدر حفظہ اللہ کے عربی رسالہ بعنوان عشر موجبات للنجاة کا اردو ترجمہ ہے شيخ موصوف نے اس مختصر کتابچہ میں ان دس اہم امور کی نشاندہی کی ہے جو بندے کی نجات کے لیے انتہائی مؤثر ہیں ۔ محترم جناب محمد صدیق لون السلفی حفظہ اللہ (متعلّم مدینہ یونیورسٹی) نے اسے اردو قالب میں ڈھالا ہے تاکہ عام قارئین بھی اس سے مستفید ہو سکیں۔ (م۔ا)

رمضان المبارک کے روزے رکھنا اسلام کے بنیادی ارکان میں سے ہے نبی کریم ﷺ نے ماہ رمضان اور اس میں کی جانے والی عبادات کی بڑی فضیلت بیان کی ہے ۔روزہ کے احکام و مسائل سے آگاہی ہر روزہ دار کے لیے ضروری ہے ۔لیکن افسوس روزہ رکھنے والے بیشتر لوگ ان احکام و مسائل سے لا علم ہوتے ہیں،بلکہ بہت سے افراد تو ایسے بھی ہیں جو بدعات و خرافات کی آمیزش سے یہ عظیم عمل برباد کر لینے تک پہنچ جاتے ہیں ۔ کتبِ احادیث میں ائمہ محدثین نے کتاب الصیام کے نام سے باقاعدہ عنوان قائم کیے ہیں اور کئی اہل علم نے رمضان المبارک کے احکام و مسائل و فضائل کے حوالے سے کتب تصنیف کی ہیں ۔ زیر نظر کتابچہ ’’مبارک ہو رمضان المبارک آ گیا‘‘ مولانا محمد عظیم حاصلپوری کی کاوش ہے انہوں نے اس مختصر کتابچہ میں روزوں کے متعلقہ احکام و مسائل یعنی سحری و افطاری، رخصت، موانع،کفارہ قضاء وغیرہ کو عامۃ الناس کے لیے عام فہم انداز میں پیش کیا ہے۔ (م۔ا)

اللہ تعالیٰ کی عظیم نعمتوں میں سے ایک یہ ہے کہ اس نے اپنے مومن بندوں کے لیے خیر اور نیکی کے دروازے کھول دیے ہیں کہ وہ اس دنیا میں ایسے اعمال کرتے ہیں کہ ان اعمال کا ثواب ان کے مرنے کے بعد بھی جاری رہتا ہے، یعنی وہ عمل کی دنیا سے چلے جاتے ہیں ، لیکن ان کا ثواب منقطع نہیں ہوتا، بلکہ ان کے درجات بلند ہوتے رہتے ہیں، ان کی نیکیاں بڑھتی رہتی ہیں، اور ان کے اجر دو گنا ہوتے رہتے ہیں ، حالانکہ وہ اپنی قبر میں ہوتے ہیں۔ زیر نظر کتابچہ ’’مرنے کے بعد جاری رہنے والے دس اعمال‘‘فضیلۃ الشیخ عبد الرزاق بن عبد المحسن البدر حفظہ اللہ کے تحریر کردہ رسالہ عشر يجري ثوابها بعد الممات كا اردو ترجمہ ہے انہوں نے اس مختصر کتابچہ میں آسان اور عام فہم انداز میں احادیث کی روشنی میں ان دس اعمال کو بیان کیا ہے کہ جن کا اجر و ثواب ایک مومن بندے کے مرنے کے بعد بھی جاری رہتا ہے۔محترم جناب محمد صدیق لون السلفی حفظہ اللہ (متعلّم مدینہ یونیورسٹی) نے اسے اردو قالب میں ڈھالا ہے تاکہ عام قارئین بھی اس سے مستفید ہو سکیں۔اللہ تعالیٰ مصنف و مترجم کی اس کاوش کو قبول فرمائے اور اسے عامۃ الناس کے لیے نفع مند بنائے ۔آمین(م۔ا)

رمضان المبارک کے روزے رکھنا اسلام کے بنیادی ارکان میں سے ہے نبی کریم ﷺ نے ماہ رمضان اور اس میں کی جانے والی عبادات کی بڑی فضیلت بیان کی ہے ۔روزہ کے احکام و مسائل سے آگاہی ہر روزہ دار کے لیے ضروری ہے۔لیکن افسوس روزہ رکھنے والے بیشتر لوگ ان احکام و مسائل سے لا علم ہوتے ہیں،بلکہ بہت سے افراد تو ایسے بھی ہیں جو بدعات و خرافات کی آمیزش سے یہ عظیم عمل برباد کر لینے تک پہنچ جاتے ہیں ۔ کتبِ احادیث میں ائمہ محدثین نے کتاب الصیام کے نام سے باقاعدہ عنوان قائم کیے ہیں اور کئی اہل علم نے رمضان المبارک کے احکام و مسائل و فضائل کے حوالے سے کتب تصنیف کی ہیں ۔ زیر نظر کتاب ’’جامع دروس ِرمضان‘‘ ابو عبد البر عبد الحی السلفی کی ترتیب شدہ ہے جسے انہوں نے عام فہم انداز میں مرتب کیا ہے اور اس میں انہوں نے رمضان المبارک اور اس سے متعلقہ تمام موضوعات قرآن مجید ،احادیث صحیحہ اور مفتیان عظام کے فتاوی اور سلف صالحین کے اقوال و آثار سے ہر مسئلہ واضح کر کے اسے علماء کرام اور عوام الناس کے لیے یکساں مفید بنا دیا ہے۔(م۔ا)

اعمالِ صالحہ کی قبولیت کا مدار عقائد صحیحہ پر ہے اگر عقیدہ کتاب و سنت کے عین مطابق ہے تو دیگر اعمال درجہ قبولیت تک پہنچ جاتے ہیں اللہ تعالیٰ نے انبیاء و رسل﷩ کو عام انسانوں کی فوز و فلاح اور رشد و ہدایت کے لیے مبعوث فرمایا تو انہوں نے سب سے پہلے عقیدۂ توحید کی دعوت پیش کی کیونکہ اسلام کی اولین اساس و بنیاد توحید ہی ہے عقیدہ کا حسن ہی ہے جو انسان کو کامیاب و کامران بنا کر اللہ کی رضامندی اور خوشی کا سرٹیفکیٹ فراہم کرتا ہے ۔اگر عقیدہ قرآن و حدیث کے مطابق ہو گا تو قیامت کے دن کامیاب ہو کر حضرت انسان جنت کا حقدار کہلائے گا،اور اگر عقیدہ خراب ہو گا تو جہنم میں جانے سے اسے کوئی چیز نہ روک سکے گی۔ زیر نظر کتاب ’’فہم عقیدہ سوالاً جواباً‘‘ محترم جناب حافظ حبیب الرحمٰن المدنی حفظہ اللہ ( فاضل جامعہ لاہور الاسلامیہ ،لاہور و فاضل مدینہ یونیورسٹی ،مدرس معہد القرآن۔لاہور) کی کاوش ہے انہوں نے یہ کتاب فضیلۃ الشیخ محمد بن صالح العثیمین رحمہ اللہ کی دو کتابوں عقيدة أهل السنة و الجماعة،نبدة العقيدة الاسلامية سے استفادہ کر کے بورڈ آف اسلامک ایجوکیشن کے ثانویہ عامہ کی نصابی کتاب کے طور پر سوالات و جوابات کی صورت میں مرتب کی ہے۔ (م۔ا)

اللہ تعالیٰ کی بے شمار نعمتوں میں سے ایک بہت بڑی نعمت اولاد بھی ہے۔ اگر اولاد کی صحیح تربیت کی جائے تو وہ آنکھوں کا نور اور دل کا سرور بن جاتی ہے ۔ لیکن اگر اولاد بگڑ جائے اور اس کی صحیح تربیت نہ کی جائے تو وہی اولاد آزمائش بن جاتی ہے ۔ دین و شریعت میں اولاد کی اچھی تربیت ایک فریضہ کی حیثیت رکھتی ہے ۔کیونکہ جس طرح والدین کے اولاد پر حقوق ہیں اسی طرح اولاد کے والدین پر حقوق ہیں اور جیسے اللہ تعالیٰ نے ہمیں والدین کے ساتھ نیکی کرنے کا حکم دیا ہے ایسے ہی اس نے ہمیں اولاد کے ساتھ احسان کرنے کا بھی حکم دیا ہے ۔ان کے ساتھ احسان اور ان کی بہترین تربیت کرنا دراصل امانت صحیح طریقے سے ادا کرنا ہے ۔ کتاب و سنت کے دلائل میں اس بات کا واضح حکم ہے کہ اولاد کے ساتھ احسان کیا جائے ۔ زیر نظر کتابچہ ’’بچوں کی تربیت کے بنیادی اصول ‘‘ فضیلۃ الشیخ عبد الرزاق البدر حفظہ اللہ کے بچوں کی تربیت کے متعلق ایک مختصر رسالہ بعنوان ’’ركائز في تربية الأبناء‘‘ کا اردو ترجمہ ہے۔شیخ نے اس رسالہ میں بچوں کی تربیت کے بارے میں ان بنیادی اصول و ضوابط کو ذکر کیا ہے جو بچوں کی تربیت کے لیے ضروری ہیں ۔ رسالہ ہذا کی افادیت کے پیش نظر محترم جناب محمد صدیق لون السلفی حفظہ اللہ (متعلّم مدینہ یونیورسٹی) نے اسے اردو قالب میں ڈھالا ہے تاکہ عام قارئین بھی اس سے مستفید ہو سکیں۔اللہ تعالیٰ مصنف و مترجم کی اس کاوش کو قبول فرمائے ۔آمین(م۔ا)

قادیانیت اسلام کے متوازی ایک ایسا مصنوعی مذہب ہے جس کا مقصد اسلام دشمن سامراجی طاقتوں کی سرپرستی میں اسلام کی بنیادوں کو متزلزل کرنا ہے۔ قادیانیت کے یوم پیدائش سے لے کر آج تک اسلام اور قادیانیت میں جنگ جاری ہے یہ جنگ گلیوں ، بازاروں سے لے کر حکومت کے ایوانوں اور عدالت کے کمروں تک لڑی گئی، اہل علم نے قادیانیوں کا ہر میدان میں تعاقب کیا، تحریر و تقریر،سیاست و قانون اور عدالت میں، الغرض ہر میدان میں انہیں شکستِ فاش دی ہے۔ محمد طاہر رزاق نے زیر نظر کتاب ’’قادیانی غداروں کی نشاندہی‘ میں جعلی نبوت کا ڈھونگ رچانے والے اسلام کے غدار قادیانیوں کی نشاندہی کی ہے۔(م۔ا)

شیخ الاسلام فاتح قادیان مولانا ثناء اللہ امرتسری﷫ امرتسر میں پیدا ہوئے آپ نے ابتدائی تعلیم امرتسر میں پائی۔ سات سال کی عمر میں والد اور چودہ برس کی عمر تک پہنچے تو والدہ بھی داغِ مفارقت دے گئیں۔ بنیادی تعلیم مولانا احمد اللہ امرتسر ﷫سے حاصل کرنے کے بعد استاد پنجاب، مولانا حافظ عبد المنان وزیرآبادی ﷫سے علم حدیث کی کتابیں پڑھیں۔ ۱۸۸۹ء میں سند فراغت حاصل کر کے صحیحین پڑھنے دہلی میں سید نذیر حسین دہلوی ﷫ کے پاس پہنچے۔ مولانا کی ساری زندگی ادیان باطلہ کے رد میں گزری۔آپ نے یہود و نصاریٰ، ہندو اور قادیانیوں کو دندان شکن جواب دیے۔ عیسائیت اور ہندو مت اور قادیانیت کے ردّ میں آپ نے متعدد کتب لکھیں۔اس کے علاوہ آپ نے لاتعداد مناظرے کیے اور ہر جگہ اسلام کی حقانیت کو ثابت کیا۔قادیانیت ،عیسائیت اور ہندو مت کے ردّ کے علاوہ بھی بہت سی کتب لکھیں ۔ زیر نظر رسالہ ’’ مقدمہ تفسیر آیات متشابہات ‘‘ شیخ الاسلام مولانا ثناء اللہ امرتسری رحمہ اللہ کا رسالہ ہے جو دراصل موصوف کی دونوں تفسیروں تفسیر ثناء (اردو ) اور تفسیر القرآن بکلام الرحمٰن (عربی) کے لیے بطور مقدمہ تحریر کیا۔ضمناً انہوں نے اس میں اصول تفسیر، آیات صفات اور آیات متشابہات کی تحقیق پیش کی ہے ۔ (م۔ا)

شیخ الاسلام فاتح قادیان مولانا ثناء اللہ امرتسری﷫ امرتسر میں پیدا ہوئے آپ نے ابتدائی تعلیم امرتسر میں پائی۔ سات سال کی عمر میں والد اور چودہ برس کی عمر تک پہنچے تو والدہ بھی داغِ مفارقت دے گئیں۔ بنیادی تعلیم مولانا احمد اللہ امرتسر ﷫سے حاصل کرنے کے بعد استاد پنجاب، مولانا حافظ عبد المنان وزیرآبادی ﷫سے علم حدیث کی کتابیں پڑھیں۔ ۱۸۸۹ء میں سند فراغت حاصل کر کے صحیحین پڑھنے دہلی میں سید نذیر حسین دہلوی ﷫ کے پاس پہنچے۔ مولانا کی ساری زندگی ادیان باطلہ کے رد میں گزری۔آپ نے یہود و نصاریٰ، ہندو اور قادیانیوں کو دندان شکن جواب دیے۔ عیسائیت اور ہندو مت اور قادیانیت کے ردّ میں آپ نے متعدد کتب لکھیں۔اس کے علاوہ آپ نے لاتعداد مناظرے کیے اور ہر جگہ اسلام کی حقانیت کو ثابت کیا۔قادیانیت ،عیسائیت اور ہندو مت کے ردّ کے علاوہ بھی بہت سی کتب لکھیں ۔ مولانا ثناء اللہ امرتسری رحمہ اللہ کا زیر نظر رسالہ ’’بہاء اللہ اور میرزا‘‘ تین ابواب پر مشتمل ہے جس میں انہوں نے ثابت کیا ہے کہ مرزا صاحب قادیانی در اصل شیخ بہاء اللہ ایرانی سے مستفیض ہیں۔باب اول میں دونوں کے دعاوی اور باب دوم میں دونوں کے دلائل ،اصل الفاظ میں دکھائے گئے ہیں۔جبکہ تیسرے باب میں خاص بہائی تعلیم پر بحث کی گئی ہے۔ (م۔ا)

اُخروی نجات ہر مسلمان کا مقصدِ زندگی ہے جو صرف اور صرف توحید خالص پر عمل پیرا ہونے سے پورا ہو سکتا ہے۔ جبکہ مشرکانہ عقائد و اعمال انسان کو تباہی کی راہ پر ڈالتے ہیں۔ لہذا شرک کی الائشوں سے بچنا ایک مسلمان کے لیے ضروری ہے اس کے بغیر آخرت کی نجات ممکن ہی نہیں۔ عقیدہ توحید کی تعلیم و تفہیم کے لیے جہاں نبی کریم ﷺ اور آپ کے صحابہ کرام رضی اللہ عنہم نے بےشمار قربانیاں دیں اور تکالیف کو برداشت کیا وہاں علمائے اسلام نے بھی عوام الناس کو توحید اور شرک کی حقیقت سے آشنا کرنے کے لیے دن رات اپنی تحریروں اور تقریروں میں اس کی اہمیت کو خوب واضح کیا ۔ ہنوز یہ سلسلہ جاری و ساری ہے۔ زیر نظر رسالہ ’’عقیدہ توحید کی چند بنیادیں‘‘ ڈاکٹر عبد اللہ الشریکہ کی عقیدہ توحید سے متعلق کتاب ’’مقدمات في العقيدة‘‘ کا اردو ترجمہ ہے ۔شیخ نے اس رسالہ میں اہل سنت و الجماعہ کے نزدیک مسائل عقیدہ کے ضبط و فہم کے تعلق سے ایک خاکہ پیش کیا ہے اور ان اصولوں کی طرف رہنمائی کی ہے جن پر صحابہ کرام مسائل اعتقاد کے ثابت کرنے میں قائم تھے ۔یہ رسالہ اپنے موضوع میں صحیح عقیدہ و منہج اور اللہ کی سیدھی راہ کے پابند ہونے میں مقدمات اور ضررویات کی حیثیت رکھتا ہے۔(م۔ا)

قرآن اور حدیث کئی طریقوں سے ہمیں ہدایات اور رہنمائی فراہم کرتے ہیں۔ جن میں سے ایک طریقہِ ہدایت بات کو بذریعہ مثالیں ہمارے ذہن نشین کرانا بھی ہے۔ چنانچہ قرآن اور حدیث دونوں میں توحید، رسالت، عقائد، عبادات، اصلاحات، اخلاقیات اور دیگر موضوعات کے بارے میں مثالیں بیان ہوئی ہیں۔کیونکہ مثال کی صورت میں بیان کی گئی بات دلچسپی کا باعث ہوتی ہے اور مخاطب کو جلد سمجھ آ جاتی ہے۔بعض اہل علم نے امثال القرآن و امثال الحدیث پر مستقل کتب تصنیف کی ہیں۔ زیر نظر کتاب ’’امثال القرآن ‘‘ مولانا خالد محمود صاحب (مدرس جامعہ اشرفیہ ،لاہور )کی تصنیف ہے انہوں نے متعدد عربی و اردو تفاسیر سے استفادہ کر کے اسے مرتب کیا ہے۔یہ کتاب قرآنی تمثیلات اور تشبیہات پر مرتب شدہ ایک مفید مجموعہ ہے ۔(م۔ا)

قرآن اور حدیث کئی طریقوں سے ہمیں ہدایات اور رہنمائی فراہم کرتے ہیں۔ جن میں سے ایک طریقہِ ہدایت بات کو بذریعہ مثالیں ہمارے ذہن نشین کرانا بھی ہے۔ چنانچہ قرآن اور حدیث دونوں میں توحید، رسالت، عقائد، عبادات، اصلاحات، اخلاقیات اور دیگر موضوعات کے بارے میں مثالیں بیان ہوئی ہیں۔کیونکہ مثال کی صورت میں بیان کی گئی بات دلچسپی کا باعث ہوتی ہے اور مخاطب کو جلد سمجھ آ جاتی ہے۔بعض اہل علم نے امثال القرآن و امثال الحدیث پر مستقل کتب تصنیف کی ہیں۔ زیر نظر کتاب ’’امثال القرآن ‘‘ عرفانی الکبیر کی تصنیف ہے انہوں نے اس کتاب میں قرآن کریم کے حسن و جمال کو قرآنی امثال کے رنگ میں پیش کرتے ہوئے تقریبا 32 مثالیں پیش کی ہیں اور ان مثالوں کے پس منطر میں جو تعلیم و تذکیر مقصود ہے اسے بیان کرنے کے علاوہ تشریحی نوٹ بھی تحریر کیے ہیں ۔ (م۔ا)

اسلامی شریعت کی خوبیوں میں سے ایک بڑی خوبی یہ ہے کہ اس کے اندر کسی بھی نقص و اضافہ کی گنجائش قطعی طور پر نہیں ہے ،اللہ تعالی نے اپنے فرمان: ’’ آج کے دن میں نے تمہارے لئے تمہارے دین کو مکمل کر دیا ہے اور تمہارے اوپر اپنی نعمت کا اتمام کر دیا ہے،اور اسلام کو بطور دین پسند کر لیا ہے‘‘ (المائدۃ :3) میں اس کی مکمل وضاحت فرما دی ہے ، اور اس کے عقائد و اعمال کے اندر کسی بھی کمی و زیادتی کو سرے سے نکال دیا ہے ، لیکن بدعت پرستوں اور شکم پرور علماء نے مذکورہ آیت کریمہ کی دھجیاں اڑاتے ہوئے دین میں بدعات و خرافات کا ایک لامتناہی سلسلہ شروع کر دیا اور اسلامی عقائد و عبادات کو اپنی بدعتی چیرہ دستیوں سے داغدار کر کے امت مسلمہ کے عام افراد کو گناہوں کے شکنجہ میں جکڑ کر صحیح عقائد و افکار اور اعمال و افعال سے کوسوں دور کر دیا ،جس کا نمونہ آپ ان بدعتی محافل و مجالس اور رسوم و اعمال کے موقع سے ملاحظہ کر سکتے ہیں ۔ زیر نظر کتابچہ کے اندر اسی موضوع پر " النصيحة لعامة المسلمين " کے جذبہ کے تحت خامہ فرسائی کی کوشش کی ہے تاکہ عام آدمی اسلامی معاشرے میں پھیلے اس"مذہبی ناسور"کی حقیقت سے آشنا ہو کر اپنے عقائد و اعمال پر نظرثانی کر سکے اور انہیں کتاب و سنت کے موافق کر کے دنیا اور آخرت کی سرخروئی سے ہمکنار ہو سکے۔ اللہ تعالی ہی صحیح راستے کی رہنمائی کرنے والا ہے۔(ع۔ر)

مسلمانوں کی فرقہ بندیوں کا افسانہ بڑا طویل اور المناک ہے۔ مسلمان پہلے صرف ایک امت تھے۔ پہلے لا الہ الا اللہ محمد رسول اللہ کہہ کر ایک شخص مسلمان ہو سکتا تھا لیکن اب اس کلمہ کے اقرار کے ساتھ اسے حنفی یا شافعی یا مالکی یا حنبلی بھی ہونے کا اقرار کرنا ضروری ہو گیا ہے۔ ضرورت اس امر کی ہے کہ مسلمانوں کو اس تقلیدی گروہ بندی سے نجات دلائی جائے اور انہیں براہ راست کتاب و سنت کی تعلیمات پر عمل کرنے کی دعوت دی جائے۔ مسلک اہل حدیث در اصل مسلمانوں کو کتاب و سنت کی بنیاد پر اتحاد کی ایک حقیقی دعوت پیش کرنے والا مسلک ہے۔ مولانا ابو یحییٰ امام خان نوشہروری رحمہ اللہ نے زیر نظر کتاب ’’اہل حدیث کے دس مسائل‘‘ میں نماز،اذان، جمعہ کی اذان اور خطبہ ، امام کی شرطیں،روزوں ، وضو اور طہارت ، زکوٰۃ ،حج، نکاح ، میت اور جنازے کے مسائل کو آسان فہم انداز میں سوال و جواب کی صورت میں پیش کیا گیا ہے ۔(م۔ا)

شیخ الاسلام فاتح قادیان مولانا ثناء اللہ امرتسری﷫ امرتسر میں پیدا ہوئے آپ نے ابتدائی تعلیم امرتسر میں پائی۔ سات سال کی عمر میں والد اور چودہ برس کی عمر تک پہنچے تو والدہ بھی داغِ مفارقت دے گئیں۔ بنیادی تعلیم مولانا احمد اللہ امرتسر ﷫سے حاصل کرنے کے بعد استاد پنجاب، مولانا حافظ عبد المنان وزیرآبادی ﷫سے علم حدیث کی کتابیں پڑھیں۔ ۱۸۸۹ء میں سند فراغت حاصل کر کے صحیحین پڑھنے دہلی میں سید نذیر حسین دہلوی ﷫ کے پاس پہنچے۔ مولانا کی ساری زندگی ادیان باطلہ کے رد میں گزری۔آپ نے یہود و نصاریٰ، ہندو اور قادیانیوں کو دندان شکن جواب دیے۔ عیسائیت اور ہندو مت اور قادیانیت کے ردّ میں آپ نے متعدد کتب لکھیں۔اس کے علاوہ آپ نے لاتعداد مناظرے کیے اور ہر جگہ اسلام کی حقانیت کو ثابت کیا۔قادیانیت ،عیسائیت اور ہندو مت کے ردّ کے علاوہ بھی بہت سی کتب لکھیں ۔ زیر نظر رسالہ ’’ادب العرب‘‘ میں انہوں نے 1898ء میں 127؍سال قبل عربی گرائمر صرف و نحو کو جدید انداز میں پیش کیا تھا اگرچہ اس کے بعد اس موضوع پر بہت سی عمدہ اور جدید کتب طبع ہوئی ہیں اور کتاب و سنت سائٹ پر موجود ہیں لیکن مولانا ثناء اللہ امرتسری رحمہ کے نادر رسائل کو محفوظ کرنے کی خاطر اسے کتاب و سنت پر پبلش کیا گیا ہے۔ اللہ تعالیٰ مولانا امرتسری ﷫ کو جنت الفردوس میں اعلی ٰ مقام عطائے کرے اور ان کی مرقد پر اپنی رحمتوں کی برکھا برسائے ۔آمین(م۔ا)

نماز دین اسلام کا دوسرا رکن عظیم ہے جو کہ بہت زیادہ اہمیت کا حامل ہے ۔قرآن و حدیث میں نماز کو بروقت اور باجماعت ادا کرنے کی بہت زیادہ تلقین کی گئی ہے ۔نماز کی ادائیگی اور اس کی اہمیت اور فضلیت اس قدر اہم ہے کہ سفر و حضر اور میدان جنگ اور بیماری میں بھی نماز ادا کرنا ضروری ہے ۔نماز کی اہمیت و فضیلت کے متعلق بےشمار احادیث ذخیرۂ حدیث میں موجود ہیں اور بیسیوں اہل علم نے مختلف انداز میں اس پر کتب تالیف کی ہیں۔ زیر نظر کتاب ’’نماز نورِ راہ و منزل‘‘ ہفت روزہ الاعتصام ،لاہور کی معروف مضمون نگار محترمہ ام عبد منیب صاحبہ کی تصنیف ہے یہ کتاب محترمہ کے نماز کے موضوع پر تحریر کیے گئے تیرا مختلف کتابچہ جات کا مجموعہ ہے ۔یہ کتاب نماز کے احکام و آداب پر مشتمل ایک جامع کتاب ہے۔ (م۔ا)

دعا ایک ایسی عبادت ہے جو انسان ہر لمحہ کر سکتا ہے اور اپنے خالق و مالق اللہ رب العزت سے اپنی حاجات پوری کروا سکتا ہے۔مگر یہ یاد رہے انسان کی دعا اسے تب ہی فائدہ دیتی ہے جب وہ دعا کرتے وقت دعا کے آداب و شرائط کو بھی ملحوظ رکھے۔ نبی کریم ﷺ نے ہمیں سونے جاگنے،کھانے پینے،لباس پہننے،مسجد اور گھر میں داخل ہونے اور باہر جانے بیت الخلاء میں داخل ہونے اور باہر آنے، الغرض ہر کام کرتے وقت کی دعائیں اور آداب بیان فرمائے ہیں ۔بہت سارے اہل علم نے قرآن و حدیث سے مسنون ادعیہ پر مشتمل بڑی و چھوٹی کئی کتب تالیف کی ہیں۔ زیر نظر کتاب ’’محمدی دعائیں اور غذائیں‘‘ابو عبد الرحمٰن محمد شفیع مسکین رحمہ اللہ کی تصنیف ہے انہوں نے اس کتاب میں انسان کی پیدائش سے لے کر شادی غمی، رات اور دن ،صبح و شام یہاں تک کہ انسان کی پوری زندگی کے ہر موقعہ پر پڑھی جانے والی مسنون دعائیں بحوالہ درج کرنے کے علاوہ ہے جسمانی بیماریوں کے لیے اپنے پیارے نبیﷺ کے فرمائے نسخے بیان کیے ہیں ۔ (م۔ا)

اس روئے ارضی پر انسانی ہدایت کے لیے اللہ تعالیٰ کے بعد حضرت محمد ﷺ ہی ،وہ کامل ترین ہستی ہیں جن کی زندگی اپنے اندر عالمِ انسانیت کی مکمل رہنمائی کا پورا سامان رکھتی ہے ۔ رہبر انسانیت سیدنا محمد رسول اللہ ﷺ کی شخصیت قیامت تک آنے والے انسانوں کے لیے بہترین نمونہ ہے ۔ گزشتہ چودہ صدیوں میں اس ہادئ کامل ﷺ کی سیرت و صورت پر ہزاروں کتابیں اور لاکھوں مضامین لکھے جا چکے ہیں ۔اور کئی ادارے صرف سیرت نگاری پر کام کرنے کے لیے معرض وجود میں آئے۔اور پورے عالمِ اسلام میں سیرت النبی ﷺ کے مختلف گوشوں پر سالانہ کانفرنسوں اور سیمینارز کا انعقاد کیا جاتا ہے جس میں مختلف اہل علم اپنے تحریری مقالات پیش کرتے ہیں۔ ہنوذ یہ سلسلہ جاری و ساری ہے ۔ زیر نظر کتاب ’’ میرا پیغمبر عظیم تر ہے‘‘علامہ ہشام الٰہی ظہیر حفظہ اللہ کے سیرت النبی ﷺ کے موضوع پر جیو ٹی وی پر نشر ہونے والے مقبول سلسلۂ تقریر کی کتابی صورت ہے جسے انہوں نے شائقین کے اصرار پر مرتب کیا ہے اور اس میں خصوصاً نبی کریم ﷺ کے حسنِ اخلاق کو اجاگر کرنے کی سعی کی ہے۔ اللہ تعالیٰ ان کی اس کاوش کو قبول عام عطا فرمائے اور اسے عامۃ الناس کے لیے نفع بخش بنائے ۔آمین(م۔ا)

شریعتِ اسلامیہ میں دعا کو ایک خاص مقام حاصل ہے اور تمام شرائع و مذاہب میں بھی دعا کا تصور موجود رہا ہے ۔صرف دعا ہی میں ایسی قوت ہے کہ جو تقدیر کو بدل سکتی ہے ۔دعا ایک ایسی عبادت ہے جو انسان ہر لمحہ کر سکتا ہے اور اپنے خالق و مالق اللہ رب العزت سے اپنی حاجات پوری کروا سکتا ہے۔مگر یہ یاد رہے انسان کی دعا اسے تب ہی فائدہ دیتی ہے جب وہ دعا کرتے وقت دعا کے آداب و شرائط کو بھی ملحوظ رکھے۔دعاؤں کے حوالے سے بہت سی کتابیں موجود ہیں جن میں علماء کرام نے مختلف انداز میں دعاؤں کو جمع کیا ہے۔ زیر نظر کتاب ’’کتاب الاذکار ‘‘شارح صحیح مسلم و مصنف کتب کثیرہ امام یحییٰ بن شرف نووی رحمہ اللہ کی تصنیف ہے جو ادعیہ و اذکار کے متعلق ایک مرجع کی حیثیت رکھتی ہے اور صبح و شام کیے جانے والے اذکار اور دعاؤں پر مشتمل ہے۔اس کتاب کو کتاب ، ابواب اور ذیلی فصلوں میں تقسیم کیا گیا ہے اور ہر کتاب کے آغاز میں نئے موضوع کی اہمیت و افادیت کتاب و سنت کے دلائل سے واضح کی گئی ہے۔نیز کتاب کے آخر میں ان جامع اذکار و ادعیہ کا بھی ذکر آگیا ہے جو صبح و شام کسی بھی وقت یا جگہ پڑھے جا سکتے ہیں۔ یہ کتاب چونکہ عربی زبان میں ہے تو اس کتاب کی اہمیت و افادیت کے پیش نظر مولانا عبد القوی لقمان (فاضل جامعہ لاہور الاسلامیہ ،فاضل مدینہ یونیورسٹی ) نے اسے اردو قالب میں ڈھالا ہے مترجم موصوف نے سلیس ترجمہ کے ساتھ ساتھ کتاب کی مکمل تخریج، مشکل اور مبہم الفاظ کی وضاحت بھی کی ہے جس سے کتاب کی افادیت دو چند ہو گئی ہے۔اللہ تعالیٰ مترجم و ناشرین کی کاوش کو قبول فرمائے اور اسے عامۃ الناس کے لیے نفع بخش بنائے ۔آمین (م۔ا)