لعنت دھتکار اور پھٹکار کا عربی نام ہے اور لعنت ایک بدعا ہے اس کا معنیٰ اللہ کی رحمت سے دور ہونے اور محروم ہونے کے ہیں۔ جب کوئی کسی پر لعنت کرتا ہے توگویا وہ اس کے حق میں بدعا کرتا ہے کہ تم اللہ کی رحمت سے محروم ہو جاؤ رسول کریم ﷺ نے کسی پر لعنت کرنے کو بڑی سختی سے منع کیا فرمایا ہے یہاں تک کہ بے جان چیزوں پر بھی لعنت کرنے سے منع کیا ہے ۔ لعنت اور ناشکری جہنم میں جانے کا باعث بن سکتے ہیں جیسے کہ نبی ﷺ نے فرمایا’’ اے عورتو! صدقہ کیا کرو میں نےجہنم میں دیکھاکہ اس میں عورتوں کی تعدادزیادہ ہے عورتوں نےعرض کیا یارسول اللہﷺ اس کی کیاوجہ ہے؟ آپ نے ارشاد فرمایا کہ ’’تم لعنت زیادہ کرتی ہو اور اپنے شوہر کی ناشکری کرتی ہو ‘‘۔ جس شخص پر اللہ اور اس کے رسول ﷺ کی لعنت ہو اس کی دینوی اخروی ذلت ورسوائی میں قعطا کوئی شک وشبہ نہیں او روہ خسارے ہی خسارے میں ہے۔بحیثیت مسلم ہم سب مسلمانوں پر لازم ہےکہ ہم ملعون کام کرنا تودرکنار ن کی طرف دیکھنا بھی برداشت نہ کریں ۔ کیوں کہ جن اعمال واشیاء اور حرکات سے اللہ اوراس کے رسول ﷺ کو نفرت ہے اس سے نفرت کرنا ہم سب پر فرض ہے اور جزو ایمان ہونے کے ساتھ ساتھ تکمیل ایمان کے لیے شرط ہے۔ایسی برائیوں اور خامیوں کا جاننا جو اللہ تعالیٰ کی لعنت اور غضب کاباعث ہیں ہر مسلمان مرد وعورت کےلیے ضرروری ہےکیوں کہ ان کی خطرناکیاں انتہائی اہم ہیں ۔ زیر نظر کتاب’’ قرآن وسنت کی نظر میں معلون کون؟‘‘ ابو عدنان محمد طیب السلفی صاحب کی مرتب شدہ ہے ۔ فاضل مرتب نے اس کتاب میں وہ تمام قرآنی آیات جمع کردی ہیں جوملعون مردوں اور عورتوں سے متعلق ہیں۔اور وہ تمام صحیح احادیث مبارکہ بھی بیان کردی ہیں جس میں یہ اشارہ ملتا ہےکہ لعنت کےحقدار کون لوگ ہیں ۔ نیز سلف صالحین سے منقول کچھ آثار بھی بیان کیے ہیں ۔اور اہل علم نے لفظ لعنت کا جو معنیٰ کیا ہے وہ بھی بیان کیا ہے۔اور ساتھ یہ بھی ذکر کیا ہے کہ کن کی لعنت جائز ہے اور کن کی نہیں اور یہ کہ اس کائنات ارضی وسماوی کاسب سے پہلا معلون کون ہے۔الغرض فاضل مصنف نے قرآن وحدیث کی روشنی میں حتی الوسع ان تمام برائیوں کو جمع کرنے کی کوشش کی ہے جو لوگوں کے لیے اللہ کی لعنت اور پھٹکار باعث بن سکتی ہیں ۔ اللہ تعالیٰ مصنف کی تمام تدریسی ، تحقیقی وتصنیفی کاوشوں کو شرفِ قبولیت سے نوازے۔آمین (م۔ا)
|
عناوین |
صفحہ نمبر |
|
مقدمہ |
5 |
|
لفظ لعنت کالغوی اورشرعی معنی |
9 |
|
کس کی لعنت کرناجائز ہے اورکس کی نہیں |
10 |
|
سب سے پہلا ملعون کون؟ |
18 |
|
اللہ اوراس کےرسول کواذیت پہنچانے والاملعون ہے |
22 |
|
علم چھپانے والاملعون ہے |
24 |
|
جھوٹ بولنے والاملعون ہے |
28 |
|
مسلمان کوناحق قتل کرنےوالا ملعون ہے |
35 |
|
ظلم کرنے والاملعون ہے |
39 |
|
بھولی بھالی پاکدامن والی عورت پربدکاری کی جھوٹی تہمت لگانے والا ملعون ہے |
49 |
|
کافرملعون ہے |
53 |
|
عہد الہی کوتوڑنے والا،قطع رحمی کرنے والااورزمین میں فتنہ وفساد برپاکرنے والاملعون ہے |
57 |
|
غیراللہ کےنام پرذبح کرنےوالا ملعون ہے |
62 |
|
زمین کی حد بندیوں کوبدل دینے والاملعون ہے |
63 |
|
ماں باپ کولعن وطعن کرنے والاملعون ہے |
65 |
|
بدعتی یامجرم کوپناہ دینے والاملعون ہے |
70 |
|
رشوت لینےاوردینے والاملعون ہے |
71 |
|
سودخورملعون ہے |
73 |
|
مصنوعی بال لگانے والی اورلگوانے والی،گودنے والی اورگودوانے والی عورت ملعون ہے |
78 |
|
چوری کرنے والاملعون ہے |
82 |
|
چہرہ نوچنے والا،گریبان چاک کرنے والی اورواویلا مچانے والی عورت ملعون ہے |
87 |
|
جنس مخالف کی شمابہت اختیار کرنے والامردوعورت ملعون ہے |
90 |
|
شراب پینے پلانے والا،بیچنے اورخریدنے والاسب ملعون ہے |
95 |
|
یہودونصاری ملعون ہیں |
98 |
|
عورت کی غیر فطری جگہ میں جماع کرنے والا ملعون ہے |
102 |
|
حلالہ کرنے اورکروانیوالا دونوں ملعون ہیں |
107 |
|
صحابہ کرام رضی اللہ عنہم اجمعین کوبرابھلا کہنے والاملعون ہے |
112 |
|
عمربن حبیب رحمہ اللہ کاصحابہ کرام کےلئے دفاع |
116 |
|
چہرہ میں داغنے والا ملعون ہے |
119 |
|
راستوں اورسایہ دارجگہوں میں پیشاب وپاخانہ کرنے والا ملعون ہے |
121 |
|
زکاۃ ادانہ کرنے والاملعون ہے |
125 |
|
لواطت (اغلام بازی)کرنےوالاملعون ہے |
126 |
|
جانوروں سے بدفعلی کرنےوالاملعون ہے |
128 |
|
تارک سنت ملعون ہے |
129 |
|
مسلمانوں پرہتھیار اٹھانے والاملعون ہے |
131 |
|
ذخیرہ اندوزی کرنے والاملعون ہے |
132 |
|
اپنے باپ یامالک کےعلاوہ کسی اورکی طرف اپنی نسبت کرنے والا ملعون ہے |
133 |
|
کسی زندہ جانورکوباندھ کرنشانہ بنانے والا ملعون ہے |
135 |
|
مولف کی دیگر تصانیف وتراجم |
139 |
