#6183

مصنف : ڈاکٹر حافظ حسن مدنی

مشاہدات : 2828

کورونا وائرس سے احتیاط اوراحادیث نبویہ صلی اللہ علیہ وسلم کی رہنمائی

  • صفحات: 44
  • یونیکوڈ کنورژن کا خرچہ: 1760 (PKR)
(بدھ 23 ستمبر 2020ء) ناشر : مجلس التحقیق الاسلامی، لاہور

دسمبر 2019ء میں چین کے شہر ووہان سے شروع ہونے والا کورونا وائرس Covid-19تاریخ انسانی کی مہلک  اور وسیع ترین وبا کی حیثیت رکھتا ہے۔ 175 ممالک میں اڑھائی کروڑ سے زائدمتاثرین میں سے آٹھ لاکھ انسان اس وائرس کے ہاتھوں موت کے گھاٹ اُتر چکے ہیں جن میں ترقی اور صحت کے عالمی معیار کے بلند بانگ دعوے کرنیوالے ممالک سرفہرست ہیں۔ چند ایک کو چھوڑ کر ہر ملک میں کئی مہینوں پر محیط لاک ڈاؤن کیا جا چکا ہے جس سے وسیع پیمانے پر عالمی سفروسیاحت، صنعت و تجارت ، عالمی معیشت اور ملازمتوں کا ٹریلنوں ڈالرز کا نقصان ہوچکا ہے۔ سائنسی ترقی اور طبّی تحقیقات کے بلندبانگ دعوے کرنے والا انسان اس حقیر وائرس کے سامنے بےبس نظر آتا ہے۔ یہ ایسا اَن دیکھا ننھا وائرس ہے جس کی ہلاکت خیزی کا علم اس وقت ہوتا ہے جب اس سے بچنے کے امکانات مشکل تر ہوجاتے ہیں۔ تاحال اس کا کوئی مؤثر علاج دریافت نہیں ہوا۔آٹھ ماہ کا طویل عرصہ گزرنے کے باوجود ابھی تک انسانی زندگی معمول پر نہیں آسکی اور ہردم ہلاکت وبربادی کا خوف منڈلا رہا ہے۔ جبکہ اسلامی تعلیمات میں ہر دور اور ہر مسئلہ کی رہنمائی موجود ہے، کیونکہ اللّٰہ کی یہ ہدایت رہتی دنیا کے لئے کافی وشافی ہے۔ یہ رہنمائی ہر شخص اپنے علم اور مشاہدے سے رحمتِ الٰہی کے مطابق حاصل کرتا ہے۔دورِ جدید کے اس خطرناک وائرس کے بارے میں بھی احادیثِ نبویہﷺ سے بہت سی رہنمائی ملتی ہے ۔ اور مسلمانوں کو زندگی کے ہر مسئلے کے بارے میں قرآن وسنت کا علم رکھنے والے علماے کرام سے ہی رہنمائی لینی چاہیے۔اب تک کورونا سے متعلق معلومات ، علاج ، احتیاط پر مشتمل   کئی چھوٹی بڑی کتب  مرتب ہوکر منظر عام پر آچکی ہیں  زیر نظر  کتابچہ بھی اسی سلسلہ کی ایک کڑی ہے۔یہ کتابچہ  بعنوان’’ کورونا وائرس سے احتیاط اور احادیثِ نبویہﷺ کی رہنمائی‘‘ ڈاکٹر حافظ حسن  مدنی حفظہ اللہ (ایڈیٹر مجلہ محدث،لاہور، ممبر ’پنجاب قرآن بورڈ )   کے محدث شمارہ  387مئی2020ء میں    کورونا سے متعلق مطبوعہ علمی وفکری مضمون کی  آن لائن کتابی صورت ہے۔اس کتابچہ  میں   فاضل مرتب نے اس بات کوواضح کیا ہےکہ قیامت تک پیش آنے والے جملہ مسائل میں شریعت محمدیہ کی مفصل رہنمائی  موجود ہے، جس کی نشاندہی علماے کرام وقتاً فوفتاً کرتے رہتے ہیں۔ ہمیں  ہر مسئلہ میں اللہ تعالیٰ اور اس کےرسول ﷺکی ہدایات کو نظرانداز نہیں کرنا چاہیے، اسی میں دنیا وآخرت کی بھلائی ہے۔ڈاکٹر حافظ حسن  مدنی   استاذی المکرم  ڈاکٹر حافظ عبدالرحمن مدنی حفظہ  اللہ (مدیر اعلی ماہنامہ محدث ، بانی و مدیر  جامعہ لاہورالاسلامیہ،لاہور )کے صاحبزادے  ہیں۔ موصوف   تکمیل حفظ کے بعد  درس نظامی کے لیے  جامعہ لاہور الاسلامیہ ،لاہور  میں داخل  ہوئے۔درس نظامی کے ساتھ  ساتھ عصری تعلیم کو بھی جاری رکھا۔2001ء میں جامعہ پنجاب  شعبہ علوم اسلامیہ  میں’’ نبی کریم  ﷺ  کےعدالتی فیصلےتحقیق وتدوین اور کمپوٹرائزیشن‘‘ کےعنوان سے تحقیقی مقالہ پیش  کر کےڈاکٹریٹ کی ڈگری حاصل کی ۔ موصوف جامعہ لاہورالاسلامیہ  سے  فراغت  کے بعد   جامعہ  میں تدریس ، مجلس التحقیق الاسلامی اور مجلہ   محدث سے منسلق ہوگے ۔کئی  سال مجلس التحقیق اسلامی  کے ناظم کی حیثیت سے  اپنے  فرائض انجام دیتے رہے اس  دوران انہوں نے   تقریبا ایک درجن سے زائد کتب  شائع کیں۔جن کو اہل علم او ر  عوام الناس میں  قبولِ عام حاصل  ہوا ۔ آپ  طلباء جامعہ  کے لیے  قائم  کیے گے ’’لاہورانسٹی ٹیوٹ فار کمپیوٹر سائنسز‘‘کے  پرنسپل  بھی رہے۔اس کے علاوہ فروری 2001 ء سے  ملّت اسلامیہ کے علمی واصلاحی مجلہ  ’محدث‘ میں   بطور مدیر  خدمات نجام دے رے ہیں ۔اور تقربیا 15؍سال سے  جامعہ لاہور الاسلامیہ(رحمانیہ) کے  مدیر التعلیم اور پنجاب یونیورسٹی میں علوم اسلامیہ کے اسسٹنٹ پروفیسر کے عہدے پر بھی فائز ہیں۔ آپ  نے  اپنی ادارت میں محدث کے خاص نمبرز( فتنہ انکار حدیث نمبر،اصلاحی نظریات پر اشاعت خاص ، تصویر نمبر، امامت  زن نمبر،اشاعت  خاص مسئلہ توہین رسالت ،تہذیب وثقافت پر خصوصی اشاعت ،تحریک  نسواں پر اشاعت خاص،اشاعت خاص بر المیہ سوات وغیرہ  )  کے  علاوہ  پر ویزیت  اور غامدیت  کے ردّ   میں  قیمتی مضامین شائع کیے  اور کئی کرنٹ موضوعات  پر      بڑے ہی  اہم   اداریے  اور مضامین تحریر کیے   بالخصوص  مشرف  دور  میں   حدودآرڈیننس  اور حقوق نسواں بل پر آپ  کی  تحریری  کاوشیں انتہائی لائق تحسین ہیں۔اور آپ دینی  مدارس کی تعلیم  وترقی  کے حوالے سے  بڑے فکر مند  ہیں  اوراس سے متعلق  کئی مقالات لکھ چکے  ہیں۔  موصوف کئی   قومی وبین الاقوامی کانفرنسز میں  مختلف موضوعات پر تحقیقی  مقالات بھی  پیش کرچکے  ہیں ۔ ایک اہم کرنٹ ایشو سے   متعلق’’ اسلامی جمہوریہ پاکستان میں نئے مندر، گوردوارے اورگرجاگھروں کو تعمیر کرنے کے شرعی احکام  اعتراضات و شبہات کا جائزہ‘‘  کے عنوان  سے ایک ضخیم کتاب بھی مرتب کی  ہے۔نیز مجلس التحقیق الاسلامی کے شبعہ  رسائل وجرائد کے زیر اہتمام  اپنے برادران  ڈاکٹر حافظ انس نضر،ڈاکٹر حافظ حمزہ مدنی حظہما اللہ کی معاونت اور اپنی علمی نگرانی  میں   جناب محمد شاہد حنیف  صاحب سے ’’موسوعہ فہارس مجلات علمیہ‘‘  تیار کروانا    بھی ان کا عظیم الشان  اور ایک منفرد کارنامہ ۔ یہ موسوعہ دنیا کی کسی بھی زبان میں علمی وتحقیقی مضامین کی وسیع ترین فہرست اور 1875ء  سے تا حال برصغیر کے جملہ مکاتب فکر کی علمی میراث کےاحیا کا عظیم الشان انسائیکلوپیڈیا ہے۔اللہ تعالیٰ ان  کےعلم وعمل میں اضافہ فرمائے،ان کی دینی وتعلیمی  اور صحافتی خدمات کو شرف قبولیت سے نوازے  اور انہیں محدث کی50؍ سالہ   علمی وتحقیقی  روایت  کو تسلسل  کے ساتھ جاری وساری رکھنے کی توفیق  عنائت فرمائے (آمین)(م۔ا)

عناوین

 

صفحہ نمبر

کرونا وائرس سے احتیاط اور احادیث نبویہ صلی اللہ علیہ وسلم کی رہنمائی

 

3

اول : اللہ کے فیصلوں پر کلی توکل و اعتماد اور مرض کا متعدی ہونا

 

5

متعدی امراض کے بارے میں براہ راست احادیث سے رہنمائی

 

7

توکل اور اسباب ایک تقابلی تجزیہ

 

9

حاصل بحث اور نتیجہ

 

14

دوم : وبائی علاقے میں جانے اور وہاں سے نکلنے کی ممانعت

 

14

سوم : مریض سے فاصلہ کی تلقین

 

17

چہارم : مساجد میں میل جول کی ممانعت اور صفوں کے درمیان فاصلہ

 

25

پنجم : باجماعت نمازوں کو موقوف کرکے ، مساجد کی کلی بندش درست نہیں

 

40

اس ناشر کی دیگر مطبوعات

ایڈ وانس سرچ

اعدادو شمار

  • آج کے قارئین 11475
  • اس ہفتے کے قارئین 251189
  • اس ماہ کے قارئین 1279354
  • کل قارئین96931198

موضوعاتی فہرست