اہل حدیث ایک جماعت او رایک تحریک کا نام ہے زندگی کےہر شعبے میں قرآن وحدیث کے مطابق عمل کرنا او ردوسروں کو ان دونوں پر عمل کرنے کی ترغیب دلانا یا یو ں کہہ لیجیئے کہ اہل حدیث کانصب العین کتاب وسنت کی دعوت او ر اہل حدیث کا منشور قرآن وحدیث ہے۔ تمام اہل علم اس بات کو اچھی طرح سے جانتے ہیں کہ اہل حدیث کا نصب العین کتاب و سنت ہے اور جب سے کتاب و سنت موجود ہے تب سے یہ جماعت موجود ہے۔اسی لیے ان کا انتساب کتاب و سنت کی طرف ہے کسی امام یا فقیہ کی طرف نہیں اور نہ ہی کسی گاؤں اور شہر کی طرف ہے۔ اہل حدیث اسلام کی حقیقی ترجمان اور ایک ایسی فکر ہے جو دنیا کے کونے کونے میں پھیل رہی ہے۔فکر اہل حدیث ، تاریخ اہل حدیث، تعارف اہل حدیث ،مسلک اہل حدیث کے عنوان سے متعدد کتب موجود ہیں ۔ زیرنظر کتاب ’’اکابرین اہل حدیث ‘‘مولانا عبد الرحمٰن ثاقب حفظہ اللہ (فیض یافتہ جامعہ ابی الاسلامیہ ، جامعۃ الاحسان ،کراچی ،مرکزی رہنما مرکزی جمعیت اہل حدیث صوبہ سندھ) کی کاوش ہےیہ کتاب مولانا موصوف کے ان مضامین کا کی کتابی صورت ہے جو وہ سوشل میڈیا کی نذر کرتےر ہے بعد ازاں انہوں نےلوگوں کی ان مضامین میں دلچسپی کو دیکھتے ہوئے انہیں کتابی صورت میں مرتب کردیا۔ فاضل مرتب نے اس کتاب میں قیام پاکستان سے تا حال مرکزی جمعیت اہل پاکستان کی مرکزی امارت اور نظامت کے مناصب پر فائز ہونے وا لی 30 عظیم شخصیات کے مختصر حالات زندگی بیان کیے ہیں نیز موجودہ صوبائی امراء و ناظمین کا تذکرہ اس کتاب میں موجو د ہے۔(م۔ا)
|
عناوین |
صفحہ نمبر |
|
انتساب |
5 |
|
عرض مرتب |
9 |
|
تمہید |
14 |
|
دیباچہ |
17 |
|
تقریظ |
30 |
|
تعارف اہل حدیث |
39 |
|
امراء |
115 |
|
ناظمین |
233 |
|
صوبائی امراء و ناظمین |
307 |
|
کتابیات |
332 |
