قرآن کریم علوم معارف کا ایک بحربےکراں ہے علوم قرآن پر لکھی گئی کتب سے ان علوم کی تنوع او روسعت کااندازہ ہوتاہے علوم قرآن کاایک اہم گوشہ علم القراءات ہےاس علم کی تدوین کا آغاز دوسری صدی کے نصف سے ہوا،ائمۂ حدیث وفقہ کی طرح تجوید وقراءات کے ائمہ کی بھی ایک طویل لسٹ ہے تجوید وقراءات کے موضوع پرماہرین تجوید وقراءات کی بےشمار کتب موجود ہیں کہ جن سے استفادہ کرنا اردو دان طبقہ کے لئے اب نہایت سہل اور آسان ہو گیا ہے۔ عرب قراء کی طرح برصغیر پاک وہند کے علماء کرام اور قراءعظام نے بھی علم تجوید وقراءات کی اشاعت وترویج کےلیے گراں قدر خدمات انجام دی ہیں ۔پاکستان میں دیوبندی قراء کرام کےعلاوہ سلفی قراء عظام جناب قاری یحییٰ رسولنگری، قاری محمدادریس العاصم رحمہما اللہ ،قای محمد ابراہیم میرمحمدی حفظہ اللہ اور ان کےشاگردوں کی تجوید وقراءات کی نشرواشاعت میں خدمات قابلِ تحسین ہیں۔مذکورہ قراء کی تجوید وقراءات کی کتب کے علاوہ جامعہ لاہور الاسلامیہ کے کلیۃ القرآن ومجلس التحقیق الاسلامی ،لاہور کے زیر نگرانی شائع ہونے والے علمی مجلہ ’’رشد ‘‘کےعلم ِتجویدو قراءات کے موضوع پر چھ(6) ضخیم جلدوں پر مشتمل قراءات نمبر ز اپنے موضوع میں انسائیکلوپیڈیا کی حیثیت رکھتے ہیں ۔ مجلہ رشد کی اس اشاعت ِ خاص میں تعارف واہمیت قراءات ، علوم قراءات ، تاریخ قراءات ،مباحث قراءات، فقہی مباحث ،فتنہ انکار قراءات، انٹر ویو ز ، سیر وسوانح قراء ، اشاریہ جات، تحریک کلیۃ القرآن سے متعلق مشہور قراء کرام اور اس فن کے ماہرین کے تحریر شدہ مضامین ،علمی مقالات اور حجیت قراءات پر پاک وہند کے کئی جیدمفتیان کرام کے فتاوی ٰجات بھی شامل ہیں۔نیز ان مجلات میں قراءات کو عجمی فتنہ قرار دینے والوں کی بھی خوب خبر لیتے ہوئے ان کے اعتراضات کے مسکت جوابات دیئے گئے ہیں۔ مجلہ رشد کے تین حصے( اول ، دوم، سوم )تو آج سے بارہ سال قبل جبکہ حصہ چہارم ، پنجم اور ششم مئی 2022ء میں لاہور یونیورسٹی کے زیر اہتمام ہونے والی انٹر نیشنل قراءات کانفرنس کے موقع پر شائع ہوئے ۔ رشد کی یہ اشاعتِ خاص جس میں سیکڑوں مضامین ہیں تقریبا سات ہزار صفحات پرمشتمل ہےجوکہ طالبان ِعلوم نبوت کے لیے بیش قیمت علمی تحفہ ہے ان خصوصی نمبرز کی اشاعت کلیۃالقرآن جامعہ لاہور الاسلامیہ،لاہور کی طرف سے اس علم کی بہت بڑی خدمت ہے۔مجلات کے عناوین اور مقالات جہاں ایک قاری کو بہت سی علمی معلومات فراہم کرتے ہیں وہاں ایک محقق کو مزید تحقیق کے لیے بہت سے پہلوؤں کی راہنمائی بھی کرتے ہیں ان عنوانات کا انتخاب مدیر مجلہ جناب ڈاکٹر حافظ حمزہ مدنی حفظہ اللہ(مدیر کلیۃ القرآن جامعہ لاہور الاسلامیہ ) کا علمِ تجوید وقراءا ت سے گہری دلچسپی کا مظہر بھی ہے۔ اللہ تعالیٰ اس اشاعت خاص کو طباعت کےلیے تیار کرنے والے ذمہ داران ومعاونین کی کاوشوں کو قبول فرمائے اور قارئین کے لیے نفع بخش بنائے ۔آمین (م۔ا)
|
عناوین |
صفحہ نمبر |
|
|
مدارس دینیہ میں قراءات کی ضرورت |
2 |
|
|
فاقرءوا ما تیسر من القرآن |
23 |
|
|
احادیث مبارکہ میں وارد شدہ قراءات |
17 |
|
|
قرآن کریم کے متنوع لہجات اور ان کی حجیت |
40 |
|
|
احادیث کی روشنی میں ثبوت قراءات |
45 |
|
|
برصغیر پاک وہندمیں تجوید وقراءات کا آغاز |
68 |
|
|
متعدد قراءات کو ثابت کرنے والی جملہ احادیث |
103 |
|
|
سبعہ احرف سے مراد اور قراءات عشرہ کی حجیت |
126 |
|
|
قرآن کے سات حروف |
141 |
|
|
قراءات عشرہ کی اسانید اور ان کا تواتر |
174 |
|
|
تعارف علم قراءات---اہم سوالات وجوابات |
244 |
|
|
اختلاف قراءات قرآنیہ اور مستشرقین |
392 |
|
|
قراءات قرآنیہ کا مقام اور مستشرقین کے شبہات |
420 |
|
|
منکر قراءات علامہ تمنا عمادی کا نظریات کا جائزہ |
455 |
|
|
قرآن اور قراءات قرآنیہ کے ثابت ہونے کا ذریعہ |
476 |
|
|
مصحف مدینہ کی اہمیت اور تعارف |
580 |
|
|
اشاریہ برموضوع علم تجوید وقراءات |
701 |
