حقانیت اسلام پر لکھی گئی یہ کتاب اصل میں ان انگریزی دروس کا اردو ترجمہ ہے جو کہ  محترم الشیخ عبدالرحیم گرین سلفی نے پیس ٹی وی (Peace TV)پر دیے ہیں۔اور اس کو اردو قالب میں محترم کاظم حسین کاظمی نے ایک طویل عرصے کی محنت کے بعد ڈھالا اور عوام الناس کی اصلاح کے پیش نظر اس کو قارئین کی نذر کیا ہے۔ عبدالرحیم گرین سلفی صاحب نے بنیادی طور پر اپنے دورس میں تاریخ،بائبل،قرآن و حدیث اور سائنس کے مصدقہ اصولوں  کے ساتھ ساتھ رسول اللہ ﷺ کی زبان سے نکلے ہوئے ارشادات عالیہ کی روشنی میں اس چیز کو ثابت کیا ہے کہ اصل میں دین اسلام ہی دین برحق ہے۔ چونکہ عبدالرحیم گرین سلفی کوئی پیدائشی مسلم نہیں بلکہ بعد میں عقل و شعور اور علمی کی روشنی میں دین اسلام کا مطالعہ کر کے اور دین اسلام کی تعلیمات سے متاثر ہو کر اسلام قبول کرنے والے افراد میں سے ہیں۔ محترم کاظم حسین کاظمی صاحب نے دین برحق کی تبلیغ عام اور کتاب کی اہمیت کے پیش نظر اس کو عام فہم اور مقامی زبان میں ترجمہ کے ساتھ تبلیغ دین کے مشن کو نبھاتے ہوئے پیش کر دیا ہے۔ اللہ تعالیٰ مقرر اور مترجم دونوں کے درجات بلند فرمائ...

اوائل یا اولیات عربی کے لفظ ’’اول‘‘ کی جمع ہے، جس کے معنی ’’پہلی چیز ‘‘ کے آتے ہیں ۔ ہر وہ کام جو سب سے پہلے سرانجام پائے ’’ اول‘‘ کہلاتا ہے ’’اوائل‘‘ یا ’’اولیات‘‘ کے موضوع پر کئی محدثین نے ’’کتب الاوئل‘‘ کے نام سے مختلف علوم و فنون پر گراں قدر کتب مرتب کیں ہیں۔ زیر نظر کتاب ’’اولیات عقیدہ‘‘ڈاکٹر ارشاد الحسن ابرار حفظہ اللہ(فاضل مدینہ یونیورسٹی،اسسٹنٹ پروفیسر شعبہ علوم اسلامیہ دی یونیورسٹی آف لاہور ) کی ایک اچھوتی تصنیف ہے جو اپنے موضوع پر اردو زبان میں اولین فکری ، علمی ،تحقیقی اور منفرد کاوش ہے ۔انہوں نے بڑی عرق ریزی سے اس اچھوتے موضوع پر قلم اٹھایا اور عقیدہ اسلامیہ سے متعلق اولیات کا کوئی گوشہ تشنہ نہیں چھوڑا۔کتب سلسلہ اولیات میں کتاب ہذا ایک بہترین اضافہ ہے۔اللہ تعالیٰ اسے قبول فرمائے اور مصنف کے زورِ قلم میں مزید اضافہ فرمائے ۔(م۔ا)