آگ اللہ تعالیٰ کی پیدا کی ہوئی مخلوقات کی طرح ایک مخلوق ہے جس کے چلنے سے حرارت اور روشنی پیدا ہوتی ہے ۔آگ جب جل رہی ہواس کی زد میں جو چیز آئے وہ جل کر بھسم ہو جاتی ہے ۔آگ کی ایک چنگاری پورے شہر یا جنگل کوجلانے کے لیے کافی ہوتی ہے ۔ انسان کے ازلی دشمن شیطان کواللہ تعالیٰ نے آگ سے پیدا کیا ۔اور شیطان روزِ اول ہی سے آگ اور آگ سے منسوب چیزوں کو اپنے آلۂکار کے طور پر استعمال کر رہا ہے جہنم جو آگ کاسب سے بڑا مرکز ومنبع ہے اس کاسب سے بڑا جہنمی خود شیطان ہوگا۔اللہ تعالیٰ نے اپنی نافرمانی کرنے والوں کے لیے عذاب کا اصل گھر آگ ہی کو قرار دیا ہے ۔نیز ا س نے اس عذاب کے دینے میں کسی اورکو اپنا شریک بنانا گوارا نہیں کیا ۔آگ ہماری دشمن ہے اس آگ ہی سے ڈرانے اور بچانے کے لیے اللہ تعالیٰ نے انبیاء اور رسول بھیجے ۔گو آگ ہماری ضرورت بھی ہے اور ضرورت کے وقت آگ سے کام لینا انسان کا حق ہے ۔ لیکن اسے بغیر ضرورت جلائے رکھنا اس سے پیا ر کرنا، کافروں کی طرح اپنی رسومات اور عادات کا حصہ بنانا کسی صورت بھی زیب نہیں دیتاہے۔ کیونکہ آگ بنیادی طور پرہماری دشمن ہے اور ہمارے دشمن شیطان کی پسندیدہ چیز ہے ۔نبی کریم ﷺ نے ہمیں دنیاوی آگ کی دشمنی کابھی احساس دلایا اور اس سے محتاط رہنے کی تاکید کی ہے ۔ زیر نظر کتابچہ ’’آتش بازی اور لائیٹنگ صرف آرائش اور کھیل یا؟‘‘ محترمہ ام عبد منیب صاحبہ کا مرتب شدہ ہے جس میں انہوں نے اختصار کے ساتھ آگ کی تاریخ اور مختلف مذاہب میں اس کی کیا حیثیت ہے؟کو پیش کرکے اس کےجائز اور ناجائز استعمال کے سلسلے میں اسلامی تعلیمات کوبھی بڑے احسن انداز میں پیش کیا ہے۔ اللہ تعالیٰ کتابچہ کو عوام الناس کے لیے نفع بخش بنائے۔آمین ( م۔ا)
|
عناوین |
صفحہ نمبر |
|
آگ ایک مخلوق |
5 |
|
آگ دور قدیم میں |
6 |
|
آگ دیوتا کی حیثیت سے |
7 |
|
آگ باطل مذاہب کی رسومات میں |
9 |
|
آگ اور شیفان |
17 |
|
شیطان آگ سے اور آگ جہنم سے |
19 |
|
عذاب الٰہی آگ ہی سے ڈرانے کے لیے آئے |
22 |
|
آگ انسان کی دشمن |
22 |
|
سوتے وقت آگ بجھایا کرو |
23 |
|
لائٹنگ (چراغاں) |
24 |
|
آگ سے آرائش؟ |
27 |
|
کھلونے، آلات اور جوتوں میں بلب کا استعمال |
28 |
|
کافر قوموں کی مشابہت حرام |
28 |
|
ضروریات میں آگ کا اسراف |
31 |
|
گرم گرم کھانا نہیں |
31 |
|
دوسروں کی حلق تلفی |
35 |
|
مومن کی جواب دہی |
35 |
|
مومن کے لیے عیش و عشرت کی ممانعت |
36 |
|
اللہ کے بندو! ڈرو آگ سے |
37 |
