قرآن خوانی فارسی زبان کا لفظ ہےجس کامطلب ہےقرآن پڑھنا ۔ہمارے معاشرے میں اس سے مراد کسی حاجت برآری یا مردے کوثواب پہنچانےکے لیے لوگوں کاجمع ہو کر قرآن مجید پڑھنا۔ قرآنی خوانی کےلیے لوگوں کوکسی مخصوص وقت پر بلایا جاتا ہے جس جس میں یہ پیغام دیا جاتا ہے کہ فلاں مقصد کےلیے قرآنی خوانی ،یٰسین خوانی یا آیت کریمہ وغیرہ پڑھوانا ہے ۔ ساتھ حسبِ مقدور دعوت کابھی اہتمام کیا جاتاہے ۔لوگ اس میں باقاعدہ تقریب کےانداز میں آتے ہیں،حاضرین میں علیحدہ علیحدہ تیس پارے بانٹ دیے جاتے ہیں ۔پڑھنے کےبعد دعوت اڑائی جاتی ہے ۔ بعض لوگ ختم بھی پڑھواتے ہیں اور بعض لوگ رشتہ داروں کی بجائے مدارس کےبچوں کوگھر میں بلالیتے ہیں اور بعض مدرسہ میں ہی بیٹھ کر قرآن خوانی کرنے کا کہہ دیتے ہیں ۔اور بعض لوگ گھروں میں سیپارے بھیج دیتے ہیں۔ مردوں کو ثواب پہنچانے والے اس طرح کےتمام امور شریعت کےخلاف ہیں اور محض رسم ورواج کی حیثیت رکھتے ہیں۔حقیقت یہ ہے کہ اس قرآن خوانی کا میت کوثواب نہیں پہنچتا۔ البتہ قرآن پڑھنےکے بعد میت کے لیے دعا کرنے سے میت کو فائدہ ہوسکتا ہے۔ہمارے ہاں جو اجتماعی طور قرآن خوانی ایک رواج ہے جس کا قرآن وحدیث سے کوئی ثبوت نہیں ملتا۔ احادیث کی رو سے چند ایک چیزوں کا ثواب میت کو پہنچتا ہے جن کی تفصیل حسب ذیل ہے ۔1۔کسی مسلمان کا مردہ کےلیے دعا کرنا بشرطیکہ دعا آداب وشروط قبولیت دعا کے مطابق ہو۔2 میت کے ذمے نذرکے روزے ہوں جو وہ ادا نہ کرسکا تو اس کی طرف سے روزے رکھنا بھی باعث ثواب ہے ۔3 نیک بچہ جوبھی اچھے کام کرے گا والدین اس کے ثواب میں شریک ہوں گے۔4مرنے کے بعد اچھے آثار اپنے پیچھے چھوڑجانے سےبھی میت کو ثواب ملتا ہے،صدقہ جاریہ بھی اس میں شامل ہے ۔زیر تبصرہ کتابچہ ’’ قرآن خوانی ‘‘ محترم ام عبد منیب صاحبہ کی اصلاح عقائد کےسلسلے میں اہم کاوش ہے جس میں انہو ں نے قرآن واحادیث اور علماء کرام کے فتویٰ کی روشنی میں ثابت کیا ہے کہ جو شخص قرآن خوانی یا مختلف قسم کےاوراد وظائف پڑھ کرکسی دوسرے کے لیے ایصالِ ثواب کرتا ہے یا غیر مسنون طریقے سے ان سب کاذکر اور تلاوت کرتا ہے تویہ سب امور رسول اللہ ﷺکی سنت سے انحرف ہے۔اللہ تعالی ٰ اس کتابچہ کو عوام الناس کی اصلاح ذریعہ بنائے (آمین) (م۔ا)
|
عناوین |
|
صفحہ نمبر |
|
سخن وضاحت |
|
5 |
|
قرآن خوانی |
|
6 |
|
مردوں کے لیے قرآن خوانی |
|
7 |
|
دکان مکان فیکٹری میں حصول برکت کے لیے |
|
10 |
|
پریشانی سے نجات کے لیے |
|
11 |
|
بیماری سے شفا کے لیے |
|
12 |
|
قرآن خوانی اور ایصال ثواب |
|
14 |
|
قرآن خوانی اور فقہا کا موقف |
|
19 |
|
مروجہ قرآن خوانی کی خرابیاں |
|
21 |
|
اجتماع برائے قرآن خوانی |
|
22 |
|
ایمان میں شک کا باعث |
|
23 |
|
ہاتھ پاؤں توڑ کر بیٹھ جانا |
|
24 |
|
قرآن خوانی کی مزید خرابیاں |
|
25 |
|
دعوتی تکلفات |
|
29 |
|
ختم خوان ملا |
|
31 |
|
ریاکاری |
|
31 |
|
قرآن حکیم کے نزول کا مقصد |
|
34 |
|
قرآن حکیم میں نہیں ملے گا |
|
36 |
|
آخری بات |
|
39 |
