پروفیسر ڈاکٹر مولوی محمد شفیع 6 ؍اگست، 1883ء کو قصور، برطانوی ہندوستان (موجودہ پاکستان) میں پیدا ہوئے۔1913ء میں جامعہ پنجاب سے ایم اے عربی کے امتحان میں پہلی پوزیشن حاصل کی۔ 1915ء میں برطانوی حکومت ہند کے وظیفے پر انگلستان گئے جہاں 1919ء میں جامعہ کیمبرج سے پی ایچ ڈی کی ڈگری حاصل کی۔ اسی سال وطن واپس لوٹے اور پہلے اورینٹل کالج لاہور میں عربی کے پروفیسر اور بعد ازاں اسی کالج کے پرنسپل مقرر ہوئے۔ 1950ء میں ڈاکٹر محمد شفیع کی تحریک پر جامعہ پنجاب میں اردو دائرہ معارف اسلامیہ کا ادارہ قائم ہوا۔موصوف عربی زبان و ادب کے نامور عالم، پنجاب یونیورسٹی اورینٹل کالج لاہور کے سابق صدر شعبۂ عربی و پرنسپل اور اردو دائرہ معارف اسلامیہ کےپہلے صدر اور مدیر اعلیٰ تھے۔ ۔ وہ کئی کتابوں کے مصنف تھے جن میں مقالات دینی و علمی و دیگر شامل ہیں۔ مولوی محمد شفیع 14 مارچ، 1963ء کو لاہور، فوت ہوئے لاہور میں شادمان کے قبرستان میں سپردِ خاک ہوئے۔ حکومت پاکستان نے ان کی خدمات کے اعتراف کے طور پر انہیں ستارۂ پاکستان اور حکومت ایران نے نشان سپاس کا اعزاز عطا کیا۔ان کی حیات و خدمات پر 1997ء، امان اللہ غازی، پنجاب یونیورسٹی لاہور، ڈاکٹریٹ کا مقالہ پیش کر کے ڈگری حاصل کی ۔ زیر تبصرہ کتاب’’اساتذہ االاساتذہ مولوی ڈاکٹر محمد شفیع‘‘ محمد اکرا م چغتائی کی مرتب شدہ ہے اس کتاب میں مرتب موصوف نے مولوی ڈاکٹر محمد شفیع کی علمی اور تحقیقی خدمات کو اختصار کے ساتھ جمع کردیا ہے یہ کتاب مولوی ڈاکٹر محمد شفیع کی پچاس ویں برسی کے موقع پر 2013ء میں شائع کی گئی ہے۔یہ کتاب اس عالمی شہرت یافتہ اسکالر کی علمی وتحقیقی خدمات کو متعارف کرانے کی ایک معمولی سی کوشش ہے ۔(م۔ا)