وحی حدیث

ڈاکٹر محمد یسین مظہر صدیقی
دار النوادر، لاہور
282
7050 (PKR)

فکر وخیال کی آمد اور اس کے ذریعہ پر انسانی بحث ومباحثہ میں گونا گونی‘ اختلاف اور نزاع پایا جاتا ہے۔ مادی وجوہ واسباب پر کلی انحصار کرنے والے اسے صرف انسانی دماغ وذہن کی کارستانی سمجھتے ہیں‘ اپنے مطالعہ وفکر کا نتیجہ قرار دیتے ہیں۔ روحانیت کی دنیا میں بسنے والے اسے سرا سر کشف‘الہام‘ القاء گردانتے ہیں اور خالص اللہ تعالیٰ کی جانب سے آنے والا انعام بتاتے ہیں۔ تعقل وتدبر اور الہام والقاء کے دو دھاروں میں امتزاج پیدا کرنے والے انسانی ملکہ کی صیقل گری وترقی کے ڈانڈے عالمِ علوی سے ملا دیتے ہیں۔ بہر حال انسانی فکر وخیال کے وجود اور اس کے ذرائع کا معاملہ ہے بہت عجیب وغریب اور صرف ایک قسم کے ذریعہ پر انحصار تعقل کے خلاف بھی ہے۔اخلاص ‘ علم وعمل دونوں کی بنیادی شرط ہے اور اسی سے محنت ومشقت کی شرط وابستہ ہے۔ صحیح سمت اور صراطِ مستقیم سے پیوستگی بھی ضروری ہے۔ صراط مستقیم اسی صورت ممکن ہے جب ہم قرآن وسنت کو اپنی خواہشات پر مقدم رکھیں اور قرآن کے ساتھ ساتھ حدیث نبویﷺ کو بھی وحی تسلیم کریں۔زیرِ تبصرہ کتاب  میں حدیث کے وحی ہونے سے متعلقہ تفصیل موجود ہے۔ اس میں وحی الٰہی‘ وحی قرآنی کے مماثل وحی حدیث‘ رویائے صادقہ کے ذریعہ وحیِ حدیث‘ حدیث اسراء ومعراج‘ بیداری میں کشف نبوی‘ حضرت جبریل کی وحیِ حدیث وغیرہ جیسے اہم مضامین کو  کتاب کی زینت بنایا گیا ہے۔حوالہ جات سے کتاب کو مزین کیا گیا ہے۔ آخر میں خاتمہ کلام یعنی حاصل کلام کو بیان کیا گیا ہے اور پھر اس موضوع پر دیگر کتب کی طرف نشاندہی کی گئی ہے تاکہ قاری مزید تفصیل یا رہنمائی کے لیے ان کتب کی طرف رجوع کر سکے۔ کتاب کا اسلوب نہایت عمدہ‘سادہ اور عام فہم ہے۔ یہ کتاب’’ وحی حدیث ‘‘ مولانا پروفیسر ڈاکٹر محمد یاسین مظہر صدیقی  کی مرتب کردہ ہے۔آپ تصنیف وتالیف کا عمدہ شوق رکھتے ہیں‘ اس کتاب کے علاوہ آپ کی درجنوں  کتب اور  بھی ہیں۔ دعا ہے کہ اللہ تعالیٰ مؤلف وجملہ معاونین ومساعدین کو اجر جزیل سے نوازے اور اس کتاب کو ان کی میزان میں حسنات کا ذخیرہ بنا دے اور اس کا نفع عام فرما دے۔(آمین)( ح۔م۔ا )

عناوین

 

صفحہ نمبر

انتساب

 

1

آغاز کلام

 

2

وحی الہٰی

 

15

وحی قرآنی کے مماثل وحی حدیث

 

52

رویائے صادقہ کے ذریعہ وحی حدیث

 

64

حدیث اسراء و معراج

 

113

بیداری میں کشف نبوی

 

136

حضرت جبریل کی وحی حدیث

 

161

خاتمہ کلام

 

227

منتخب کتابیات

 

259

اس مصنف کی دیگر تصانیف

اس ناشر کی دیگر مطبوعات

ایڈوانس سرچ

اعدادو شمار

  • کل مشاہدات: 39760511

موضوعاتی فہرست

ای میل سبسکرپشن

محدث لائبریری کی اپ ڈیٹس بذریعہ ای میل وصول کرنے کے لئے ای میل درج کر کے سبسکرائب کے بٹن پر کلک کیجئے۔

رجسٹرڈ اراکین

ایڈریس

        99--جے ماڈل ٹاؤن،
        نزد کلمہ چوک،
        لاہور، 54700 پاکستان

       0092-42-35866396، 35866476، 35839404

       0092-423-5836016، 5837311

       library@mohaddis.com

       بنک تفصیلات کے لیے یہاں کلک کریں