#5412

مصنف : سمیر حلبی

مشاہدات : 1883

محبت، عشق و محبت کے مدارج کا شرعی تجزیہ

  • صفحات: 121
  • یونیکوڈ کنورژن کا خرچہ: 5445 (PKR)
(اتوار 19 مارچ 2017ء) ناشر : دار السلام، لاہور

محبت کا لفظ اردو میں بھی کئی معانی رکھتا ہے۔ یہ محبت عام کسی شے سے بھی ہے اور کسی خاص ہستی، شخص یا رشتے سے بھی ہو سکتی ہے۔ محبت کی کئی قسمیں ہیں۔ مثلا مذہبی پیار، اللہ ورسول اور دین سےمحبت ،کسی خاص رشتے سے پیار، حب الوطنی یعنی وطن کے لیے پیار، کسی بندے کے لیے پیار۔ وغیرہ وغیرہ۔ اور عشق ایک جنون کا نام ہے جو اپنی انتہا پر پہنچتا ہے تو انسان اپنا عقل و شعور کھو بیٹھتا ہے جس کے بعد اسے کسی قسم کے نفع ونقصان کی تمیز نہیں رہتی، بس اپنی خواہش کو پورا کرنے اور معشوق کو حاصل کرنے کا خیال اس پر ہر وقت حاوی رہتا ہے ۔عشق کا معنی اور مفہوم اس بات کی اجازت نہیں دیتا کہ یہ اللہ، رسول، نبی یا کسی محبت کرنے والے رشتے سے محبت کے اظہار کےلیے استعمال کیا جائے کیونکہ عشق میں محبت ہوتی ہی نہیں ہے عشق میں تو صرف حرص و ہوس ہوتی ہے جو کہ شہوت سے پُر ہوتی ہے۔آسانی کے طور پر آپ اسے یوں سمجھیں کہ گر ہم کہیں کہ ہمیں اپنے اہل خانہ سے محبت ہے ۔۔۔ مجھے اپنے والدین سے محبت ہے ۔۔۔ مجھے اپنی بہنوں سے محبت ہے۔۔۔۔ مجھے اپنی بیٹیوں سے محبت ہے یا کوئی شخص ایسے کہہ سکتا ہے یا ایسی بات زبان پر لاسکتا ہے کہ میں اپنی والدہ، بہن یا بیٹی کا عاشق ہوں ؟ کجا لوگ یہ کہتے پھریں کہ میں رسول ﷺ کا عاشق ہوں یا عشق الہی میں غرق ہوں۔ زیر تبصرہ کتاب ’’محبت‘‘ شام کی فاضل شخصیت علامہ سمیر حلبی کی کتاب ’’المحبة‘‘ کا اردو ترجمہ ہے یہ بامحاورہ رواں دواں ترجمہ ممتاز عالم دین شیخ الحدیث حافظ محمد امین﷾ نے کیا ہے۔ فاضل مصنف نے اس کتاب میں جذبۂ محبت کے تمام نقاب الٹ دئیے، واردات عشق کے سارے بھید کھول دیے ہیں اور ایک ایک جز سمیت پوری تفصیل سے بتادیا ہے کہ محبت کیا چیز ہے محبت کی کتنی قسمیں ہیں؟ محبت کیوں ہو جاتی ہے؟ محبت کس سے ہونی چاہیے؟ محبت کا اصل حقدار کون ہے؟ نوجوانوں کو نفسانی محبت کا روگ کیوں لگ جاتا ہے اور اس روگ سے چھٹکارا پانے کا کیا طریقہ ہے؟۔نیز فاضل مصنف نے بتایا ہےکہ جو نوجوان روغنی چہروں پر فریفتہ ہوجاتے ہیں، ان کی محبت درحقیقت دماغی معصیت اور ذہنی آذوارگی ہے۔ انہیں توبہ کرنی چاہیے اوراس مقدس پروردگار سےمحبت کرنے چاہیے جس کے جمالِ جہاں آرا سے بڑھ کر دنیا وآخرت میں کوئی زیبائی نہیں۔ اللہ تعالیٰ مصنف ،مترجم، ناشرین کی اس عمدہ کاوش کو قبول فرمائے اور اسے سب کی رہنمائی کےلیے مینارۂ نور بنا دے۔ (آمین)(م-ا)

عناوین

صفحہ نمبر

دینی مفہوم

23

محبت کا تصوف آمیز مفہوم

25

علمی مفہوم

28

معاشرتی مفہوم

29

اللہ تعالیٰ کی محبت

31

اللہ تعالیٰ کی محبت کی علامات

35

نبی کریمﷺ سے محبت

36

اللہ تعالیٰ کے قرب کی کوشش

36

توبہ و استغفار

39

جاری ہے۔۔۔

 

آپ کے براؤزر میں پی ڈی ایف کا کوئی پلگن مجود نہیں. اس کے بجاے آپ یہاں کلک کر کے پی ڈی ایف ڈونلوڈ کر سکتے ہیں.

اس مصنف کی دیگر تصانیف

اس ناشر کی دیگر مطبوعات

ایڈ وانس سرچ

اعدادو شمار

  • آج کے قارئین 900
  • اس ہفتے کے قارئین 12967
  • اس ماہ کے قارئین 57777
  • کل قارئین50292922

موضوعاتی فہرست