#5812

مصنف : قاری محمد صدیق

مشاہدات : 2218

تجوید و قراءت کا پیغام خدام قرآن کے نام ( جلد اول )

  • صفحات: 274
  • یونیکوڈ کنورژن کا خرچہ: 6850 (PKR)
(ہفتہ 22 جون 2019ء) ناشر : مدرسہ الفضل احمد آباد انڈیا

قرآن  کریم  الفاظ ومعانی دونوں کے مجموعہ کا نام ہے ، زمانۂ نبوت سے  تا حال علماء امت نے جس طرح قرآن کے معانی ومطالب کو اپنی محنت  کا میدان بنایا اسی طرح الفاظ قرآن، طرز اداء اور وقف وسکون کوبھی اپنی توجہ کا مرکز بنایا جس کو ہم فن تجوید وقراءات  سےتعبیر کرتے ہیں ۔تلاوت ِقرآن کا  بھر پور اجروثواب اس  امر پرموقوف ہے کہ تلاوت پورے قواعد وضوابط اور اصول وآداب کے ساتھ کی جائے قرآن کریم  کی تلاوت  کا صحیح  طریقہ جاننا اورسیکھنا علم ِتجوید کہلاتا ہے  ہرمسلمان کے لیے ضروری ہے کہ  وہ علمِ تجوید کے بنیادی قواعد سے آگاہی  حاصل کرے ۔ کیونکہ  قرآن کریم اللہ تعالیٰ کی  وہ عظیم الشان کتاب ہے کہ ہر مسلمان پراس کتاب کو صحیح پڑھنا لازمی اور ضروری ہے جس  کاحکم  ورتل القرآن ترتیلا سے واضح ہوتا ہے۔ اس قرآنی حکم کی تکمیل اور فن تجویدکوطالب تجوید کےلیے  آسان اورعام فہم بناکر پیش کرناایک استاد کے منصب کا  اہم فریضہ ہے ۔ایک اچھا استاد جہاں اداء الحروف کی طرف توجہ دیتا ہے ۔ وہیں وہ اپنے  طالب علم کو  کتاب کےذریعے بھی مسائل تجوید ازبر کراتا ہے۔علم تجوید قرآنی علوم کے بنیادی علوم میں سے ایک  ہے  ۔ اس علم کی تدوین کا آغاز دوسری صدی کے  نصف سے ہوا۔ائمۂ حدیث وفقہ کی طرح تجوید وقراءات کے ائمہ کی بھی  ایک طویل فہرست ہے  اور تجوید وقراءات کے موضوع    پرماہرین تجوید وقراءات  کی بے شمار کتب موجود ہیں ۔   جن سے استفادہ کرنا اردو دان طبقہ کے لئے اب  نہایت سہل اور آسان ہو گیا ہے ۔ عرب قراء کی طرح برصغیر پاک وہند کے علماء  کرام اور  قراءعظام  نے  بھی  علم تجوید قراءات  کی اشاعت وترویج کےلیے گراں قدر خدمات انجام دی ہیں ۔پاکستان میں دیوبندی قراء کرام کےعلاوہ  سلفی قراء عظام  جناب قاری یحییٰ رسولنگری، قاری محمداریس العاصم ،قای محمد ابراہیم میرمحمدی  حفظہم اللہ اور ان کےشاگردوں کی  تجوید قراءات کی نشرواشاعت میں  خدمات  قابل تحسین ہیں  ۔مذکورہ قراء کی تجوید وقراءات کی کتب کے  علاوہ  جامعہ لاہور الاسلامیہ کے کلیۃ القرآن ومجلس التحقیق الاسلامی ،لاہور  کے زیر نگرانی شائع ہونے  والے  علمی مجلہ ’’ رشد ‘‘کےعلم ِتجویدو  قراءات  کے موضوع پر تین ضخیم  جلدوں  پر مشتمل قراءات نمبر  اپنے  موضوع  میں انسائیکلوپیڈیا کی حیثیت رکھتے ہیں ۔جس میں  مشہور قراء کرام کے   تحریر شدہ مضامین ، علمی  مقالات  اور حجیت  قراءات پر    پاک وہند کے  کئی  جیدمفتیان کرام کے فتاوی ٰ جات بھی شامل ہیں اور اس میں  قراءات کو عجمی فتنہ قرار دینے والوں کی  بھی خوب خبر لیتے ہوئے  ان کے  اعتراضات کے  مسکت جوابات دیئے گئے ہیں۔ زیر نظرکتاب ’’تجوید وقراءات کا پیغام خدامِ قرآن کے نام  جلد اول ‘‘   ہند وستان کے   مایہ ناز شیخ القراء قاری المقری محمد  صدیق  ﷾کے  تجوید وقراءات  کے موضوع پر پیش کیے گئےدروس   کی کتابی صورت ہے ۔ قاری صاحب کےشاگرد رشید مولوی  رضوان سلمہ  نے قاری صدیق صاحب کے بیانات کو کیسٹوں  سے  تحریرمیں منتقل کیا ہے اور قاری محمد ہارون صاحب  نے اسے کتابی صورت میں مرتب کیا ہے ۔قاری صدیق صاحب نے اس   میں فن کے پیچیدہ مسائل کاحل ، مصاحف عثمانیہ کے بارے میں امت کا نظریہ اوراس کے تشفی بخش اور قابل اطمینان جوابات، مدارس کو رجال کا ر کی فراہمی کے لیے نئے طرز عمل اور نئے جدوجہد کی طرف توجہ ، فن کے اصول وفروش پر مشتمل کتب کی طرف رجوع کی ضرورت ، اسی طرح مساجد کےلیے ائمہ وخطباء  ومؤذنین تیار کرنے کی طرف ترغیب دلائی ہے۔نیز فن اور صحت کےلیے مضر اور منافی اشیاء سے اجتناب اور فن کے لیے مفید اور نافع چیزوں کے اختیار کی طرف توجہ دلائی ہے بلکہ قاری صاحب  نے امت میں فن کے بارے میں موجود کمزوریوں اور بیماریوں کی تشخیض اوراس کے علاج کو بھی تجویز فرمادیا ہے  جو شائقینِ فن کےلیے تسکین کا باعث ہونے کے ساتھ فن میں ترقی کے خواہاں لوگوں کےلیے راہ نما اور سنگ میل کا  کام دیتا  ہے ۔اللہ تعالیٰ قاری صاحب کی اس کاوش کو قبول فرمائے۔  (آمین)ادارے کو یہ کتاب وسنت سائٹ پر پبلش کرنے کے لیے پی ڈی ایف فارمیٹ میں ملی ہے ۔ (م۔ا)

عناوین

صفحہ نمبر

عرض مرتب

5

تقریظ: حضرت اقدس مولانا عبد اللہ صاحب کا پودروی

12

دعائیہ کلمات: حضرت اقدس مفتی احمد صاحب خانپوری

14

تقریظ: قاری عبد الستار صاحب اسلامپوری

16

تائیدی کلمات: مولانا یٰسین صاحب کا کوسی

20

سرکار دو عالمﷺ کی کیفیت تلاوت

23

حصول علم میں تنافس کا جذبہ

39

قرآن کریم کا نزول اور اس کی حفاظت

57

کتاب اللہ کے وارثین

79

مدارس دینیہ کا فنی کار نامہ

93

فن کی ترقی واشاعت کے لیے غورو فکر

105

علوم دینیہ کا با برکت لیکن مظلوم شعبہ

125

درس خلاصۃ البیان اور فن قراءت کی طرف اعتناء

137

قراءت سبعہ کا افتتاح ایک عظیم سنت کا احیاء

155

اساتذہ اور طلبہ کا تعلق کیسا ہو

167

قرآن کریم کا نزول سات حرفوں میں

175

قرآن کریم کی تلاوت ترتیل کے ساتھ

191

روز قیامت نعمتوں کے بارے میں سوال

205

کتاب اللہ کی تلاوت پر رحمت کا نزول

217

قرآن کریم کا نزول اور اس کی حفاظت

229

لحن داؤدی بہت بڑی نعمت

241

قرآن کریم آسان ہے یاد کرنے والوں کے لیے

249

قڑآن کریم کی تلاوت روز قیامت شفاعت کا باعث

257

قیمتی نصائح

264

مسابقہ کے لیے کچھ ضروری ہدایات

268

آن لائن مطالعہ وقتی طور پر موجود نہیں ہے - ان شاءالله بہت جلد بحال کر دیا جائے گا

اس مصنف کی دیگر تصانیف

ایڈ وانس سرچ

اعدادو شمار

  • آج کے قارئین 1944
  • اس ہفتے کے قارئین 23256
  • اس ماہ کے قارئین 70636
  • کل قارئین65033284

موضوعاتی فہرست