نام: قاضی سلیمان منصورپوری ۔

ولدیت: قاضی صاحب کےوالدکانام احمدشاہ تھاجوبہت متقی اورپرہیزگارتھے۔

ولادت: قاضی صاحب کی ولادت 1282ھ بمطابق 1866ءمیں ہوئی۔

کلمات ثناء:

 مولاناقاضی سلیمان منصورپوری کاشمارسرآمدروزگارشخصیات میں ہوتاہے۔آپ علوم اسلامیہ کابحرذخارتھے۔وسیع المطالعہ وسیع المعلومات اوروسیع العلم تھے۔اتباع سنت،تقوی طہارت،حفظ وضبط،عدالت وثقاہت،امانت ودیانت،زہدو ورع،تبحرعلم،وسعت نظراورکتاب وسنت کی تفسیرواشاعت،توحیدالہی اورسنت نبویﷺ کی ترقی وترویج،شرک وبدعت اورادیان باطلہ کی تردیدوتوبیخ میں بسرہوئی۔قاضی صاحب کواللہ نےغیرمعمولی قوت حافظہ سےنوازہ تھا۔علوم قرآن وحدیث کےحافظ،نکتہ شناس،تاریخ کےرازدان،علم وادب میں بلندپایہ،معقولات ومنقولات کےماہرشعروسخن سےبہرہ مندفلسفہ منطق سےآشنا۔عربی فارسی انگریزی زبان پرمکمل عبوراوراردوتوان کےگھرکی چھڑی تھی۔زاہدحلیم الطبع ملنسارشرافت کامجسمہ اورشب زندہ دارتھے۔قاضی صاحب تحریروتقریرمیں یگانہ عہدتھےان کےوعظ بڑے جامع مدلل اورمعلومات سےپرہواکرتےتھے۔سرداردیوان سنکھ مضنون نےلکھاہےاگرانسان میں کوئی فرشتہ ہوسکتا تووہ قاضی منصورہوتا۔

تصانیف:

قاضی صاحب بلندپایہ عالم دین،مفسرقرآن۔مؤرخ صاحب تحقیق اورنامورمصنف تھےآپ نےمحتلف موضوعات پرکتابیں تحریرکیں ہیں۔ان کی تفصیل درج ذیل ہے۔

1۔الجمال والکمال 2۔معراج المؤمنین 3۔سیدالبشر۔

4۔مہرنبوت 5۔ہریان 6۔علمی وتبلیغی خطوط۔

7۔شرح اسماء الحسنی 8۔هتیان الاسلام 9۔ تاریخ المشاہیر۔

10۔سبیل الرشاد(سفرنامہ حجاز) 11۔انجیلوں میں خداکابیٹا۔

12۔تائیدالاسلام 13۔خصاص القرآن 14۔خطبات سلیمان۔

15۔اسوہ حسنہ 16۔رحمۃ اللعالمین(3جلدیں ) 17۔استقامت۔

18۔مکاتب سلیمان 19۔رسالہ مسح جورب ۔

20۔خطبہ صدارت اہلحدیث کانفرنس آگرہ(مارچ 1927ء)۔

21۔اصحاب بدر 22۔ایک پادری کےآٹھ سوالوں کاجواب۔

23۔غایۃ المرام اس کتاب میں مرزا غلام احمدقادیانی کی کتاب فتح العلام اورتوضیح المرام کاجواب ہے۔

وفات:

 مولانا قاضی سلیمان منصورپوری کی وفات جون 1930ء میں ہوئی اللہ تعالی ان کےمرقدپرکڑوڑوں رحمتیں نازل فرمائے آمین۔

حوالہ: چالیس علماء اہل حدیث از عبدالرشیدعراقی۔