ڈاکٹر نثار احمد

1 1 1 1 1 1 1 1 1 1
ڈاکٹر نثار احمد
    title-pages-khutba-hajjat-ul-wida-copy
    ڈاکٹر نثار احمد

    یوں تو نبی کریم ﷺ  کا ہر ایک ارشاد، ہر جملہ اور ہر لفظ انتہائی اہمیت کا حامل ہے۔ہر ایک لفظ میں،ہر ایک جملے میں ہمارے لیے ہدایت اور راہنمائی کے بہت سے پہلو ہیں۔لیکن آپﷺ کے ہزاروں ارشادات عالیہ میں سے جن ارشادات کو بہت زیادہ اہمیت حاصل ہے۔ان میں سے ایک خطبہ حجۃ الوداع کا خطبہ بھی ہے۔ نبی کریم ﷺ نے جو آخری حج کیا` اسے دو حوالوں سے حجۃ الوداع کہتے ہیں۔ایک اس حوالہ سے کہ نبی کریم صلی اللہ علیہ وسلم نے آخری حج وہی کیا،اور اس حوالے سے بھی کہ نبی کریم صلی اللہ علیہ وسلم نے خود اس خطبہ میں ارشاد فرمایا : لعلی لا القاکم بعد عامی ھذا۔ یہ میری تم سے آخری اجتماعی ملاقات ہے،شاید اس مقام پر اس کے بعد تم مجھ سے نہ مل سکوں۔ یعنی حضور صلی اللہ علیہ وسلم کے ذہن میں یہ بات تھی کہ میں اپنے صحابہ سے آخری اجتماعی ملاقات کر رہا ہوں۔خطبہ حجۃ الوداع کو اسلام میں بڑی اہمیت حاصل ہے۔خطبہ حجۃ الوداع بلا شبہ انسانی حقوق کا اولین اور مثالی منشور اعظم ہے۔اس منشور میں کسی گروہ کی حمایت،کوئی نسلی ،قومی مفاد ،کسی قسم کی ذاتی گرض وغیرہ کا کوئی شائبہ تک نظر نہیں آتا ہے۔آپ نے  اس خطبہ میں  اتحادِ امت کا موضوع اپنے سامنے رکھا اور پھر دردِ امت کی پوری توانائی اسی موضوع پر صرف فرمادی، پہلے نہایت درد انگیز الفاظ میں قیامِ اتحاد کی اپیل کی، پھر فرمایا کہ پس ماندہ طبقات کو شکایت کا موقع نہ دینا، تاکہ حصارِ اسلام میں کوئی شگاف نہ پڑجائے، پھر اسباب نفاق کی تفصیل بیان کرکے ان کی بیخ کنی کا عملی طور پر سروسامان فرمایا، پھر واضح کیا کہ جملہ مسلمانوں کے اتحاد کا مستقل سنگِ اساس کیا ہے؟ آخری وصیت یہ فرمائی کہ ان ہدایات کو آیندہ نسلوں میں پھیلانے اور پہنچانے کے فرض میں کوتاہی نہ کرنا، خاتمہٴ تقریر کے بعد حضور ﷺ نے اپنی ذات کی سرخ روئی کے لیے حاضرین سے شہادت پیش کرتے ہوئے اس طرح بار بار اللہ کو پکارا کہ مخلوق خدا کے دل پگھل گئے، آنکھیں سیلاب بن گئیں اور روحیں انسانی جسموں میں تڑپنے لگیں۔ زیر تبصرہ کتاب " خطبہ حجۃ الوداع ،حقوق انسانی کا عالمی منشور "پروفیسر ڈاکٹر نثار احمد سابق رئیس کلیہ فنون و صدر شعبہ اسلامی تاریخ جامعہ کراچی کی تصنیف ہے جس میں انہوں نے اسی عظیم الشان خطبے  کے تاریخی پس منطر،مکمل عربی متن ،اردو ترجمہ اور توضیح وتشریح  فرمائی ہے۔اللہ تعالی ان کی اس محنت کو قبول فرمائے ۔آمین(راسخ)

    title-pages-ahde-nabwi-me-riasat-ka-nashu-w-irtika-copy
    ڈاکٹر نثار احمد

    حضور اقدسﷺ کی مساعی میں نہ صرف تائید ایز دی شامل تھی بلکہ اللہ تعالیٰ نے قدم قدم پر اُن کی دست گیری کی اور انہیں کامیابی کا راستہ دکھایا۔ حضور اکرمﷺ کا کارنامہ اس قد محیر العقول وعظیم المرتبت ہے کہ اسے کسی انسان کی قابلیت کا ثمرہ سمجھنا محال ہے۔ اس جد وجہد میں ہر  قدم پر ایک معجزہ نظر آتا ہے اس کے علاوہ کسی اور دلیل سے اس حیران کن کامیابی کا راز سمجھ میں نہیں آسکتا۔اس بنیادی حقیقت کے ادراک کے بغیر کہ حضورﷺ کی تمام کوششیں باری تعالیٰ کی ہدایت کی مرہون ہیں اور عہد رسالت کی تاریخ فی الواقعہ قرآن کریم کی تفسیر ہے‘ نہ اسلام تعلیمات کا فہم ممکن ہے نہ ابتدائے اسلام کی تاریخ کا۔عہد رسالت کے موٹے موٹے واقعات کا علم تو عام طور پر محقیقین اور طلبہ کو حاصل ہے لیکن بہت سے ایسے گوشے ہیں جو اپنی انتہائی اہمیت کے باجود لاعلمی یا غلط روایات کے انبار میں پوشیدہ ہیں۔ اس سلسلے میں بہت ذخیم کتب  معرض وجود میں آئیں مگر زیر نظر کتاب ایک جدا گانہ اور منفرد  موضوع پر اپنی سی پہلی تحقیقی کاوش اورعلمی دستاویز ہے۔ یہ کتاب ’ڈاکٹر نثار احمد ‘‘ کا پی ایچ ڈی کا مقالہ ہے جو کہ پانچ مستقل ابواب پر تحقیقی کارنامہ ہے۔ باب اول میں بعثت نبوی کے وقت دنیا کے مختلف میں مروج اور موجود نظام ہائے سیاسی پر بڑی مفید گفتگو کی گئی ہے۔دوسرے باب میں تاسیس ریاست یعنی سیاست کی بنیادیں کیا ہیں کی تفصیل ہے اور تیسرے باب میں توسیع ریاست سے متعلقہ‘ چوتھے میں استحکام ریاست سے متعلقہ‘ پانچویں میں انتظام ریاست سے متعلقہ مکمل تفصیل ہے۔ آخر میں اختتامیہ‘ کتابیات اور اشاریہ جات کا بھی ذکر ہے۔ یہ کتاب’’ڈاکٹر نثار احمد‘‘ کی تحقیقی کاوش کا نتیجہ ہے اور آپ نہایت محققانہ مزاج کے حامل ہیں۔ دعا ہے کہ اللہ تعالیٰ مؤلف وجملہ معاونین ومساعدین کو اجر جزیل سے نوازے اور اس کتاب کو ان کی میزان میں حسنات کا ذخیرہ بنا دے اور اس کا نفع عام فرما دے۔(آمین)( ح۔م۔ا )

اس سائٹ پر کوئی ایسی کتاب موجود نہیں جس کا ترجمہ ان صاحب نے کیا ہو۔
اس سائٹ پر کوئی ایسی کتاب موجود نہیں جس کی ترتیب و تخریج ان صاحب نے کی ہو۔
ان صاحب کی کوئی بھی کتاب نظرثانی کی گئی موجود نہیں۔

ای میل سبسکرپشن

محدث لائبریری کی اپ ڈیٹس بذریعہ ای میل وصول کرنے کے لئے ای میل درج کر کے سبسکرائب کے بٹن پر کلک کیجئے۔

 

ایڈوانس سرچ

رجسٹرڈ اراکین

آن لائن مہمان

محدث لائبریری پر اس وقت الحمدللہ 306 مہمان آن لائن ہیں ، لیکن کوئی رکن آن لائن نہیں ہے۔

ایڈریس

       99--جے ماڈل ٹاؤن،
     نزد کلمہ چوک،
     لاہور، 54700 پاکستان

       0092-42-35866396، 35866476، 35839404

       0092-423-5836016، 5837311

      KitaboSunnat@gmail.com

      بنک تفصیلات کے لیے یہاں کلک کریں

 :